۳۳… ’’چونکہ قائل ہیں کہ جزئی طور پر وحی اور نبوت کا اس امت مرحومہ کے لئے ہمیشہ دروازہ کھلا ہے تو ثابت ہوا کہ رسول اﷲﷺ کو خاتم النبیین والمرسلین نہیں سمجھتے۔‘‘
(توضیح المرام ص۱۹، خزائن ج۳ ص۶۰)
۳۴… ’’چونکہ مرزاقادیانی اپنا اعتقاد صرف اتنا ظاہر کرتے ہیں کہ اٰمنت باﷲ وملٰئکتہ وکتبہ ورسلہ والبعث بعد الموت (پورا ایمان نہیں) تو ثابت ہوا کہ قیامت وغیرہ کے قائل نہیں۔‘‘ (ازالہ اوہام ص۲، خزائن ج۳ ص۱۰۲)
۳۵… ’’حضرت امام مہدی کے آنے کے قائل نہیں ہیں۔‘‘
(ازالہ اوہام ص۵۱۸، خزائن ج۳ ص۳۷۸)
۳۶… ’’دجال پادری ہیں۔‘‘ (ازالہ اوہام ص۴۹۶، خزائن ج۳ ص۳۶۶)
۳۷… ’’دجال کا یہی ریل گدھا ہے۔‘‘ (ازالہ اوہام ص۶۸۵، خزائن ج۳ ص۴۷۰)
۳۸… ’’یاجوج وماجوج کوئی نہیں ہونے کے ان سے مراد انگریز وروس ہیں۔‘‘
(ازالہ اوہام ص۵۰۲، خزائن ج۳ ص۳۶۹)
۳۹… ’’دابۃ الارض علماء ہوں گے اور کچھ نہیں۔‘‘ (ازالہ اوہام ص۵۱۰، خزائن ج۳ ص۳۷۳)
۴۰… ’’دخاں کچھ نہیں ہوگا اس سے مراد قحط عظیم ہے۔‘‘
(ازالہ اوہام ص۵۱۳، خزائن ج۳ ص۳۷۵)
۴۱… ’’مغرب سے آفتاب نہیں نکلے گا۔‘‘ (ازالہ اوہام ص۵۱۵، خزائن ج۳ ص۳۷۶)
۴۲… ’’قبر میں عذاب نہیں ہے۔ کسی قبر میں سانپ اور بچھو دکھا دو۔‘‘
(ازالہ اوہام ص۴۱۹، خزائن ج۳ ص۳۱۶)
۴۳… ’’تناسخ کے بھی قائل ہیں۔‘‘ (ست بچن ص۸۴، خزائن ج۱۰ ص۲۰۸)
۴۴… ’’مریم کا بیٹا کشلیا کے بیٹے سے کچھ زیادت نہیں رکھتا۔‘‘
(انجام آتھم ص۴۱، خزائن ج۱۱ ص ایضاً)
اے اہل اسلام! کہاں تک مرزاقادیانی کے عقائد لکھ کر اپنے اور آپ کے قیمتی اوقات کو ضائع کروں۔ مشتے نمونہ ازخروار! فہرست عقائد کا ملاحظہ فرمالیا۔ کیوں حضرات کیسے کیسے حملے آپ کے پاک دین اور مقدس اسلام پر کئے ہیں۔ پھر کوئی باغیرت مسلمان کہہ سکتا ہے کہ مرزاقادیانی کے ہاتھوں سے دین ضعیف اور اسلام غریب اور قرآن بے کس اور انبیاء علیہم السلام ذلیل نہیں ہوئے۔ اگر اب بھی کوئی شک رکھتا ہو تو کہہ دے۔ ہم شک وشبہ کے دور وزائل کرنے
