ماہنامہ انوار مدینہ لاہور مئی 2012 |
اكستان |
|
گناہوں سے بچتا رہوں گااَور اَگر کبھی گناہ ہوگیا تو بہت جلد توبہ کروں گا۔ توبہ کرتا ہوں میں اپنے سب گناہوں سے، اَگلے ہوں یا پچھلے ، چھوٹے ہوں یا بڑے، ظاہر ہوں یا پوشیدہ جن کو میں جانتا ہوں اَور جن کو میں نہیں جانتا ہوں۔ اے اللہ تو سب کچھ سنتاہے تو سب کچھ دیکھتا ہے تو سب کچھ جانتا ہے تجھ سے کچھ چھپاہوا نہیں ہے تو گناہوں کا معاف کرنے والا ہے اَور رحیم ہے تو بار بار توبہ قبول کرنے والا ہے اَور کریم ہے ،میری توبہ قبول فرما اَور میرے گناہوں کو بخش دے۔ بیعت کی میں نے حسین اَحمد کے ہاتھوں پر طریقہ چشتیہ صابریہ اَور طریقہ چشتیہ نظامیہ اَور طریقہ نقشبندیہ اَور طریقہ قادریہ اَور طریقہ سُہر وردیہ میں۔ اے اللہ! میری بیعت کو قبول فرما اَور مجھ کو اِن سلسلوں کے بزرگوں کے طفیل میں اپنی محبت اَور کامل اِیمان عطا ء فرما اَور میرا خاتمہ اِیمان پر ہواَور آخرت میں جناب ِ رسول اللہ ۖ کا ساتھ ہو اَور آپ ۖ کی شفاعت اَور جنت نصیب ہو۔ '' اِس کے بعد دُعا مانگتے اَور کچھ نصیحت فرماتے اَور ذکر کے متعلق تسبیحات ِستہ تعلیم فرماتے اَور شجریۂ چشتیہ صابریہ رشیدیہ عنایت فرماتے۔ حضرت رحمة اللہ علیہ کے کلماتِ بیعت آنحضرت ۖ کی اَحادیث کا ترجمہ ہیں اَور اگر خوف ِطوالت نہ ہوتاتو اُن اَحادیث کو بھی یہاں نقل کردیتا جن کا یہ کلمات ترجمہ ہیں۔ (جاری ہے)