ماہنامہ انوار مدینہ لاہور جولائی 2007 |
اكستان |
|
سائز : ٨/٣٠x٢٠ ناشر : دارُالعلوم الاسلامیہ پلندری ،آزاد کشمیر گزشتہ شمارہ میں ہماری طرف سے مولانا موصوف کی مختصر تفسیر ''زُبدة البیان'' پر تبصرہ شائع ہو چکا ہے۔ اِس وقت ہمارے پیش ِ نظر مولانا محترم کی مفصل تفسیر ''عمدة البیان'' کی پہلی جلد ہے، اِس جلد میں پانچ پاروں کی تفسیر کی گئی ہے۔ تفسیر کا اَنداز حسب ِ سابق آسان اور دلکش ہے۔ ہر بات باحوالہ اور مدلل بیان کی گئی ہے۔ البتہ تفسیر کے اَندازِ نگارش سے یوں محسوس ہوتا ہے کہ مولانا موصوف نے یہ تفسیر خالص سلفی ماحول میں لکھی ہے۔ شاید یہی وجہ ہے کہ مصنف ِعلّام کے باوجود حنفی المسلک اور دیوبندی المشرب ہونے کے تفسیر میں کسی مقام پر بھی مسلک ِ اَحناف اور مشرب ِ دیوبند کی ترجمانی نظر نہیں آئی۔ ہوسکتا ہے مصنف مدظلہ' کے پیش ِ نظر کچھ مصلحتیں ہوں جو اِس اَمر سے مانع ہوں۔ مصنف زید مجدھم نے بہت سے مقامات پر اہل ِ باطل کی دلائل کے ساتھ تردید کی ہے۔ اِن میں بھی بعض مقامات ایسے ہیں جہاں مولانا محترم کُھل کر لکھنے کے بجائے دَبے الفاظ میں بیان کرکے آگے بڑھ گئے ہیں۔ بایں ہمہ حضرت مصنف کی کاوِش قابل ِ قدر اور قرآن فہمی میں ممد و معاون ہے۔ مختصر تفسیر کی طرح اِس تفسیر کی کتابت و طباعت، کاغذ وغیرہ بھی بہت عمدہ ہیں۔ اللہ تعالیٰ مولانا کی اِس کاوِش کو قبول و منظور فرما کر اِتمام کی سعادت نصیب فرمائے۔ نام کتاب : جمالِ انور تالیف : مولانا عبد القیوم حقانی صفحات : ٢٩٨ سائز : ١٦\٣٦X٢٣ ناشر : القاسم اکیڈمی جامعہ ابوہریرہ خالق آباد، نوشہرہ حُجَّة مِّنْ حُجَجِ اللّٰہِ آیَة مِّنْ آیَاتِ اللّٰہِ ، فخر المحدثین، امام المفسرین، حضرت علّامہ انور شاہ صاحب کشمیری رحمہ اللہ (م : ١٣٥٢ھ/ ١٩٣٣ئ) کی ذاتِ بابرکات کسی تعارف کی محتاج نہیں۔