ماہنامہ انوار مدینہ لاہور مئی 2004 |
اكستان |
|
عبدالقیوم حقانی صاحب سے رکھتے ہیں ۔میجر صاحب نے زیرِ نظر کتاب میں حضور اکرم ۖ کے متعدد معجزات کو سلیقہ کے ساتھ باحوالہ ذکر کیاہے ۔ اندازِ بیان آسان و دلنشین ہے۔ ٭ نام کتاب : علماء دیوبند کا عقیدۂ حیات النبی (ۖ) تالیف : مولانا عبدالحق خان بشیر صفحات : ١٢٨ ناشر : حق چاریار اکیڈمی، مدرسہ حیات النبیۖ گجرات قیمت : / ٦٠ دورِ حاضر کے المیوں میںسے ایک بڑا المیہ یہ بھی ہے کہ لوگ اسلاف و اکابر سے اعتماد اُٹھا کر دین میںآزادی و خود رائی کا شکار ہونے لگے ہیں جس کا ادنیٰ کرشمہ یہ ہے کہ جو مسائل صدیوں سے طے شدہ چلے آرہے ہیں اُنھیں بھی تختۂ مشق بنا لیاگیا ہے۔ اُن طے شدہ مسائل میں سے ایک عقیدۂ حیات النبی ۖ کا مسئلہ بھی ہے۔ عقیدۂ حیات النبی ۖ دورِ صحابہ سے اجماعی چلا آرہا ہے، تمام اہلِ سنت اس عقیدہ کے قائل ہیں ۔بدقسمتی سے کچھ حضرات اس اجماعی عقیدہ کو متنازع بنانے کی کوششوں میں لگے ہوئے ہیں اور عوام الناس کے سامنے کچھ اس انداز سے اس عقیدہ کو پیش کرتے ہیں کہ سن کر حیرت ہونے لگتی ہے ۔ حال ہی میں منکرین ِحیات النبی ۖ کی جانب سے ایک رسالہ شائع کیا گیا ہے جس میں دجل و تلبیس سے کام لیتے ہوئے عوام الناس کو یہ باور کرانے کی کوشش کی گئی ہے کہ یہ عقیدہ متنازع ہے اور علماء دیوبند بھی اس کے قائل نہیں تھے ،اس رسالہ سے چونکہ بہت سی غلط فہمیاں پیدا ہو جانے کا اندیشہ تھا اس لیے اہلِ حق کی جانب سے اس کا جواب ضروری تھا۔ مولانا عبدالحق بشیر زید مجدہم اہلِ حق کے شکریہ کے مستحق ہیں کہ انہوں نے بروقت اس رسالہ کا نوٹس لیتے ہوئے مصنف کی پھیلائی ہوئی غلط فہمیوں کودور کردیا ۔ مولاناعبدالحق صاحب کی یہ کتاب پہلے بھی شائع ہوئی تھی، زیرِ تبصرہ کتاب اُسی کتاب کا نیا اڈیشن ہے جو اپنی ظاہری و معنوی خوبی کے ساتھ دوبارہ شائع کیا گیا ہے ، علماء و عوام سب ہی کے لیے اس کا مطالعہ مفید و کارآمد ہے۔ ٭ نام کتاب : مولانا عبیداللہ سندھی اور تنظیم فکر ولی اللٰہی تالیف : مولانا عبدالحق خان بشیر