ماہنامہ انوار مدینہ لاہور جولائی 2003 |
اكستان |
|
نام کتاب : قراء رحیمیہ کا ذوقِ تدریس تصنیف : قاری محمد ادریس ہوشیار پوری صفحات : ٩٨ ناشر : ادارہ تالیفاتِ اشرفیہ، ملتان قیمت : اقرأ روضة الاطفال کے نائب مدیر جناب مفتی خالد محمود صاحب نے ملک کے ممتاز ماہرین تعلیم او رقراء کرام کی خدمت میں تعلیم حفظِ قرآن سے متعلق سترہ سوال ارسال کیے تھے یہ سوال حضرت مولانا قاری محمد ادریس ہوشیارپوری زیدمجدھم کے پاس بھی گئے آپ نے ان کا نہایت سنجیدگی اور متانت کے ساتھ جواب دیا۔ ان جوابات کو افادیت کے پیشِ نظر ادارہ تالیفات اشرفیہ ملتان کی طرف سے کتابی شکل میں شائع کردیا گیا ۔زیرِ تبصرہ کتاب انہی سوالات کے جوابات پر مشتمل ہے۔ اساتذۂ حفظِ قرآن کریم کی رہنمائی کے لیے بالخصوص اور دیگر حضرات کے لیے بالعموم یہ کتاب انتہائی مفید ہے۔ ٭ نام کتاب : خطبات ِامین (ج اول ) افادات : حضرت مولانا محمد امین صفدر اوکاڑوی ترتیب : مولانا محمد ظفر اقبال صفحات : ٥٢٠ سائز : ١٦/٢٣٣٦ ناشر : مکتبہ الحبیب نزد جامعہ علوم اسلامیہ بنوری ٹائون ،کراچی قیمت : متکلم ِاسلام حضرت مولانا محمد امین اوکاڑوی رحمہ اللہ کی شخصیت محتاجِ تعارف نہیں اللہ تعالیٰ نے آپ کو احقاقِ حق اور ابطال باطل کے لیے منتخب فرمایا تھا ۔آپ اس کے لیے ہر وقت مستعد رہتے تھے جب بھی اور جہاں بھی آپ کو اس کے لیے بلایا جاتاآپ بلا کسی پس و پیش کے تشریف لے جاتے تھے ۔ آپ کو تحریر کے ساتھ ساتھ تقریر پر بھی عبور حاصل تھا دورانِ تقریر آپ پیچیدہ سے پیچیدہ مسائل چٹکیوں میں حل فرمادیا کرتے تھے او ر ایسی مثال پیش فرمایا کرتے تھے کہ سامعین