خواب کے اسلامی آداب و احکام |
خواب کا |
 |
ایک صحابی کا آسمان سے ترازو اُترتے ہوئے دیکھنا : حضرت ابو بکرہ کہتے ہیں کہ ایک مرتبہ رسول اللہﷺنے پوچھا تم میں سے کسی نے خواب دیکھا ہے؟ ایک شخص نے عرض کیا :جی ہاں !میں نے دیکھا ہے کہ آسمان سے ایک ترازو اتارا گیا ہے پھر آپ کا اورحضرت ابو بکر کا وزن کیا گیا آپ زیادہ وزنی تھے، پھر حضرت ابو بکر اور عمر کاوزن کیا گیا تو عمر بھاری تھے، پھر حضرت عمر اور عثمان کا وزن کیا گیا تو عمر بھاری تھے، پھر ترازو اٹھا لیا گیا ۔راوی کہتے ہیں کہ یہ خواب سننے کے بعد ہم نے آپﷺ کے چہرے پر ناپسندیدگی کے آثار دیکھے ۔عَنْ أَبِي بَكْرَةَ، أَنَّ النَّبِيَّ صَلَّى اللَّهُ عَلَيْهِ وَسَلَّمَ، قَالَ ذَاتَ يَوْمٍ: «مَنْ رَأَى مِنْكُمْ رُؤْيَا»؟ فَقَالَ رَجُلٌ: أَنَا رَأَيْتُ كَأَنَّ مِيزَانًا نَزَلَ مِنَ السَّمَاءِ فَوُزِنْتَ أَنْتَ وَأَبُو بَكْرٍ فَرَجَحْتَ أَنْتَ بِأَبِي بَكْرٍ، وَوُزِنَ أَبُو بَكْرٍ، وَعُمَرُ فَرَجَحَ أَبُو بَكْرٍ، وَوُزِنَ عُمَرُ وَعُثْمَانُ فَرَجَحَ عُمَرُ، ثُمَّ رُفِعَ المِيزَانُ، فَرَأَيْنَا الكَرَاهِيَةَ فِي وَجْهِ رَسُولِ اللَّهِ صَلَّى اللَّهُ عَلَيْهِ وَسَلَّمَ۔(ترمذی:2285)ایک خواب جس کی تعبیر حضرت ابوبکر صدیق نے بیان کی : ایک شخص نبی ﷺ کی خدمت میں حاضر ہوا اور عرض کیا کہ میں نے آج کی رات خواب میں ایک سائبان دیکھا جس سے گھی اور شہد ٹپک رہا ہے، لوگ اُسےہاتھوں سے لے کر پی رہے ہیں، کچھ زیادہ لیتے ہیں اور کچھ کم ،اور ایک رسی دیکھی جو آسمان سے زمین تک متصل ہے ، پھر میں نے آپ کو دیکھا کہ آپ اس کو پکڑ کر اوپر چڑھ گئے پھر ایک اور شخص نے اسے پکڑا اور اوپر چڑھ گیا پھر ایک اور شخص نے پکڑا تو وہ ٹوٹ گئی مگر وہ اس کے لئے جوڑ دی گئی اور وہ بھی چڑھ گیا حضرت ابو بکر صدیق نے عرض کیا: اے اللہ کے رسول! میرے ماں باپ آپ پر قربان ہوں ، اللہ کی قسم! مجھے اس کی تعبیر بتانے دیجئے آپ نے فرمایا :بتاؤ ،حضرت ابو بکر صدیق نے فرمایا : بادل سے مراد ”اسلام“ ہے اور اس سے برسنے والا گھی اور شہد” قرآن مجید کی نرمی اور مٹھاس“ ہے، زیادہ اور کم حاصل کرنے والوں سے قرآن پاک سے زیادہ اور کم نفع حاصل کرنے والے لوگ مراد ہیں ،آسمان سے زمین تک متصل رسی ”دین“ جس پر آپ ہیں ،آپ نے اسے اختیار کیا تو اللہ تعالیٰ آپ کو اعلی مرتبہ عطا فرمادیا ، پھر آپ کے بعد