خواب کے اسلامی آداب و احکام |
خواب کا |
 |
(8)………تین مرتبہ آیت الکرسی پڑھنا ۔ آیت الکرسی کے پڑھنے کے بارے میں کوئی روایت تو نہیں ہے ، البتہ علمِ تعبیر کے ماہرین نے ذکر کیا ہے ہے کہ بُرا خواب دیکھنے پر تین مرتبہ آیت الکرسی پڑھ کر اپنے اوپر دم کرلینا چاہیئے ، فتح الباری میں بھی آیت الکرسی کے بارے میں یہی ذکر کیا گیا ہے ، ابن حجر فرماتے ہیں کہ مناسب یہ ہے کہ اس کو اُس نماز میں پڑھ لیا جائے جو بُرے خواب میں پڑھنا ذکر کیا گیا ہے ۔(فتح الباری :12/371)بُرے خواب اور اُس کے بد اثرات سے بچنے کے لئے چند دعائیں : حضرت ابراہیم نخعی فرماتے ہیں : جب کوئی شخص ناپسندیدہ خواب دیکھے تو اُسے یہ دعاء پڑھنی چاہیئے : أَعُوذُ بِمَا عَاذَتْ بِهِ مَلَائِكَةُ اللهِ وَرُسُلُهُ مِنْ شَرِّ رُؤْيَايَ اللَّيْلَةَ أَنْ تَضُرَّنِي فِي دِينِي أَوْ دُنْيَايَ يَارَحْمٰنُ۔(شعب الایمان :4437) حضرت خالد بن ولید خواب میں ڈرجایا کرتے تھے ، اُنہوں نے نبی کریمﷺسے ذکر کیا ، آپﷺنے اُنہیں یہ عمل بتلایا : جب تم بستر پر لیٹنے کے لئے جایا کرو تو یہ دعاء پڑھا کرو : بِاسْمِ اللهِ، أَعُوذُ بِكَلِمَاتِ اللهِ التَّامَّةِ، مِنْ غَضَبِهِ وَعِقَابِهِ، وَشَرِّ عِبَادِهِ، وَمِنْ هَمَزَاتِ الشَّيَاطِينِ، وَأَنْ يَحْضُرُونِ۔حضرت خالدبن ولید نے یہ دعاء پڑھی تو اُن کی یہ پریشانی رفع ہوگئی ۔(سنن کبریٰ نسائی :10534)(مؤطا مالک :2/950) حضرت ابوہریرہ فرماتے ہیں کہ نبی کریمﷺنے ارشاد فرمایا: جب تم میں سے کوئی ناپسندیدہ خواب دیکھے تو اُسے چاہیئے کہ اپنے بائیں طرف تین مرتبہ تھتکاردے اور پھر یہ دعاء پڑھے : اللَّهُمَّ إِنِّي أَعُوذُ بِكَ مِنْ عَمَلِ الشَّيْطَانِ، وَسَيِّئَاتِ الْأَحْلَامِ، فَإِنَّهَا لَا تَكُونُ شَيْئًا۔اے اللہ !میں شیطان کے عمل اور بُرے خوابوں سے آپ کی پناہ چاہتا ہوں ، بے شک یہ خواب (ان شاء اللہ )کسی بھی ضرر کا باعث نہیں ہوں گے ۔(ابن السنی :693)