ہم جنس پرستی کی تباہ کاریاں اور ان کا علاج |
ہم نوٹ : |
 |
ہم جنس پرستی کی تباہ کاریاں اوران کا علاج اَلْحَمْدُلِلہِ وَکَفٰی وَسَلَامٌ عَلٰی عِبَادِہِ الَّذِیْنَ اصْطَفٰی اَمَّابَعْدُ صحبتِ اہل اللہ کے فوائد مولانا رومی رحمۃ اللہ علیہ فرماتے ہیں کہ اگر تم اہل اللہ کے پاس بیٹھوگے، ان کی صحبت میں رہوگے تو اگرتمہیں اللہ کی محبت کی پیاس نہ بھی ہوگی تو پیاس بھی مل جائے گی۔ وہ پیاس بجھانا بھی جانتے ہیں اور پیاس لگانا بھی جانتے ہیں۔ اللہ والے خالی اللہ کی محبت کا پانی نہیں پلاتے بلکہ جن کو اللہ کی محبت کی پیاس نہ ہو ان کو پیاس بھی لگاتے ہیں ؎ گر تو طالب نیستی تو ہم بیا اگرتمہیں اللہ کا عشق، اللہ کی محبت کی پیاس نہیں ہے تو بھی میرے پاس آؤ ؎ تا طلب یابی ازیں یارِ وفا تاکہ تمہیں بھی اللہ تعالیٰ کی طلب، اللہ تعالیٰ کی تڑپ اور پیاس مل جائے۔ یہ ایسے باوفا دوست ہیں کہ اللہ پاک نے قیامت تک کے لیے ان کی رفاقت کے حسن کو منصوص کر دیا: وَ حَسُنَ اُولٰٓئِکَ رَفِیۡقًا 1؎جن کی رفاقت کی اللہ تعالیٰ تعریف کردے، جن کی رفاقت کو اللہ پاک حسین فرمادے ان کو چھوڑ کر کن سے دوستی کررہے ہو؟ علامہ محمود نسفی رحمۃ اللہ علیہ تفسیر خازن میں لکھتے ہیں کہ جملہ وَ حَسُنَ اُولٰٓئِکَ رَفِیۡقًا میں حَسُنَ افعالِ تعجب میں سے ہے، یعنی مَا اَحْسَنَتْ رَفَاقَتَہٗ یہ حضرات کیا ہی اچھے رفیق ہیں، یعنی اللہ پاک یہ بتلانا چاہتے ہیں کہ یہ کیا ہی اچھے رفیق ہیں کہ تمہیں ہماری ذات تک لے آتے ہیں، اگر تم ہم کو اچھا سمجھتے ہو تو ان کو اچھا کیوں نہیں سمجھتے؟ جو اچھے تک پہنچادے وہ اچھا نہیں ہے؟ شاعر کہتا ہے کہ ؎ _____________________________________________ 1؎النسآء:69