ہم جنس پرستی کی تباہ کاریاں اور ان کا علاج |
ہم نوٹ : |
|
ہوں اور شانِ رحمت سے تمہاری تو بہ قبول کرتا ہوں۔ کیوں کہ ایک فرقہ ایسا پیدا ہونے والا تھا جو یہ کہتا کہ اگر بندہ اللہ سے توبہ کرے تو اللہ پر اس کو معاف کر نا واجب ہوجاتا ہے، نعوذ باللہ! لہٰذا بعد میں ایک فرقہ پیدا ہوا جس کو فرقہ معتزلہ کہا جاتا ہے۔ فرقہ معتزلہ یہ کہتا تھا کہ توبہ کرلینے کے بعد اللہ کو اپنے بندے کو قانوناً معاف کرنا ضروری ہے، تو علامہ آلوسی رحمۃاللہ علیہ فرماتے ہیں کہ یہ آیت فرقہ معتزلہ کا رد ہے کہ میری توابیت قانون اور ضابطے کی پابند نہیں ہے، تو لفظِ تواب کے بعد رحِیم کا نزول فرقہ معتزلہ کے رد کےلیے ہوا ہے، یہ ہے تفسیر روح المعانی۔ تلاوت ِقرآنِ پاک کے آداب قرآنِ پاک کی تلاوت کے چار فوائد ہوگئے۔ اب قرآنِ پاک کی تلاوت کے تین آداب ہیں: نمبر۱)اللہ تعالیٰ کے کلام کی تلاوت محبت سے کرے، کیوں کہ ربّ العالمین، سارے جہانوں کو پالنے والے کا کلام ہے اور پالنے والے سے محبت ہوتی ہے۔ اماں ابا سے کیوں محبت ہوتی ہے؟ کیوں کہ انہوں نے پالا ہے۔ اب اگر کوئی کہے کہ ہمیں تو ماں باپ نے پالا ہے، نعوذ باللہ! اللہ تعالیٰ نے تو نہیں پالا، تو ماں باپ نے بچوں کو کھا بھی لیا ہے، جب قحط پڑا اور غلہ ختم ہوگیا تو ماں باپ بچوں کا گوشت کھاگئے۔ تو ان کا یہ پالنا اللہ کے پالنے سے ہے ۔ جیسے اللہ سورج نکالتا ہے، سورج سے غلہ کو پکاتا ہے، اگر سورج نہ نکلے غلہ نہ ہو تو جتنے دولت مند ہیں کیا نوٹ کھا سکتے ہیں؟ نوٹ کھا کر کیا کوئی زندہ رہے گا؟ لہٰذا اللہ کا کلام محبت سے پڑھو۔ نمبر۲) عظمت سے پڑھو، کیوں کہ بہت بڑے احکم الحاکمین کا کلام ہے۔ نمبر۳) اس دھیان سے پڑھو کہ اللہ پاک نے ہمیں اس کو پڑھنے کا حکم دیا ہے۔ اچھا،یہ جو آج کا بیان ہے، اس کی کیسٹ سب مدارس والوں کو لے لینی چاہیے، کیوں کہ اس موضوع پر اتنا مفصل بیان جتنا یہاں زنجیرا میں ہوا ہے، مجھے یاد نہیں پڑتا کہ اتنے جوش و خروش کے ساتھ اتنا زبردست بیان کہیں اور ہوا ہو، اللہ تعالیٰ قبول فرمائیں، آمین۔ وَاٰخِرُ دَعْوَانَااَنِ الْحَمْدُ لِلہِ رَبِّ الْعَالَمِیْنَ