ہم جنس پرستی کی تباہ کاریاں اور ان کا علاج |
ہم نوٹ : |
 |
ایک شیطانی چال اور اس سے بچاؤ کی تدبیر شیطان مومن کو بے وقوف بناتا ہے، اُلو بناتا ہے ، ڈراتا ہے کہ زیادہ نظریں نیچی کروگے تو یہ لڑکے آپس میں کہیں گے کہ دیکھو، یہ استاد تو مریضِ محبت معلوم ہوتے ہیں، یہ تو حسینوں سے اتنا ڈرتے ہیں۔ تو جب ایسا وسوسہ آئے تو شیطان سے کہہ دو کہ ہاں بھئی، ہم پہلوان نہیں ہیں، اللہ نے ہمیں ضعیف پیدا کیا ہے۔ اللہ تعالیٰ فرماتے ہیں : خُلِقَ الۡاِنۡسَانُ ضَعِیۡفًا 12؎اللہ نے انسان کو ضعیف پیدا کیا ہے، اسی لیے اللہ تعالیٰ فرماتے ہیں: لَاتَقْرَبُوْا ان کے قریب نہ رہو ورنہ ساری پہلوانی نکل جائے گی۔ لَاتَقْرَبُوْا رہو گے تو لَاتَفْعَلُوْا رہو گے اور اگر تَقْرَبُوْا رہوگے یعنی ان کے قریب رہوگے تو تَفْعَلُوْا ہوجاؤ گے، یعنی گناہ کر بیٹھو گے۔ ارے میاں، اللہ کو راضی کرو، مخلوق کچھ بھی کہے اس کی پروا نہ کرو۔ اللہ پر اپنی آبرو کو قربان کرکے تو دیکھو، یہی بچہ زندگی بھر تمہاری تعریف کرے گا، جب بڑا ہوگا تو کہے گا کہ میرے استاد مجھ سے احتیاط کرتے تھے اور دوسروں کو بھی یہی نصیحت کرے گا۔ ہم نے تو مولانا مسیح اللہ خان صاحب جلال آبادی رحمۃ اللہ علیہ کے شاگرد سے یہی سنا کہ میرے استاد بڑے متقی تھے، یہ نہیں سنا کہ وہ کمزور دل کے تھے، ہمارے حسن کی تاب نہیں لاسکتے تھے، کسی سے بھی یہ نہیں سنا۔ آپ نے امام ابوحنیفہ رحمۃ اللہ علیہ کی تعریف سنی یا نہیں؟ علامہ شامی رحمۃ اللہ علیہ جیسے شخص فقہ کی کتاب شامی میں جہاں نظر حرام پر بحث کی ہے، ان کی تعریف کر رہے ہیں۔ نہ لو نامِ الفت جو خود داریاں ہیں یہ میں بڑا خاص اور انتہائی اہم مضمون بیان کر رہا ہوں اور اختر اس معاملے میں بے خوف ہو کر تقریر کرتا ہے، اب جس کا دل چاہے میری بات کی قدر کرلے، کیوں کہ اگر اللہ کو پانا ہے تو صورت پرستی سے بچنے کا مجاہدہ تو ضرور اختیار کرنا پڑے گا اور اگر نہیں کرنا چاہتے تو دیکھو بھائی! سن لو ؎ _____________________________________________ 12؎النساء:28