ماہنامہ انوار مدینہ لاہور فروری 2014 |
اكستان |
 |
''میں اور یتیم کی کفالت و دیکھ بھال کرنے والا خواہ اپنا یتیم ہو یا دُوسرے کا (جیسے بھتیجا پوتا وغیرہ) جنت میں اِس طرح ہوں گے، یہ کہہ کر آپ نے اپنی اُنگشت ِ شہادت اور دَرمیانی اُنگلی کو (مِلا کر) اِشارہ کیا اور دونوں اُنگلیوں کے درمیان معمولی سی کشادگی رکھی۔'' اِن دونوں حدیثوں سے بیواؤں، مسکینوں اور یتیموں کی خبر گیری کرنے اور اُن کا خیال کرنے پر اَجرو ثواب معلوم ہو رہا ہے۔ دُوسری حدیث سے یہ بھی معلوم ہورہا ہے کہ ایسے شخص کا خاتمہ بالخیر ہوگا اور اُس کی موت اِیمان پر آئے گی کیونکہ جنت میں وہی شخص جائے گا جو مسلمان ہوگا ۔ اللہ تعالیٰ کبھی کبھی دُنیا میں ایسے واقعات دِکھلاتے ہیں جن سے حضور اَکرم ۖ کے اِرشادات و فرمودات کی صداقت روزِ روشن کی طرح واضح ہوتی ہے، حال ہی میں ایک واقعہ پیش آیا جو حیرت اَنگیز بھی ہے اور سبق آموز بھی ،اِس موقع پر وہ واقعہ ذکر کیا جا رہا ہے تاکہ قارئین کے اِیمان و یقین کو جِلا ملے اور عمل کا جذبہ بیدار ہو ، ملاحظہ فرمائیے : سعودی عرب کے رہائشی ایک شخص نے خواب دیکھا کہ ایک شخص اُس سے کہہ رہا تھا اِس فون نمبر پر موجود فلاں شخص کو عمرہ کراؤ، فون نمبر بڑا واضح تھا ۔ نیند سے بیدار ہوا تو اُسے خواب اچھی طرح یاد تھا مگر اُس نے اِسے وہم جانا اور خواب کو نظراَنداز کردیا اَگلے روز پھر اُسے وہی خواب آیا کہ اُسے کوئی شخص کہہ رہا ہے کہ یہ فون ملاؤ اور فلاں شخص کو عمرہ کراؤ۔ دُوسرے دِن کے خواب کے بعد یہ شخص اپنے محلہ کے اِمامِ مسجد کے پاس گیا اور اُسے بتایا میں نے مسلسل دو دِن یہ خواب دیکھا ہے امامِ مسجد نے کہا : اگر تم نے پھر یہ خواب دیکھا تو اُس فون نمبر کو اچھی طرح یاد رکھنا اور ممکن ہو تو اُسے لکھ لینا اور پھر اُس شخص سے رابطہ کر کے اُسے عمرہ کروادینا۔ تیسرے روز پھر اُس نے خواب دیکھا کہ اُسے کہا جا رہا ہے اِس فون نمبر پر فلاں نام