ماہنامہ انوار مدینہ لاہور فروری 2014 |
اكستان |
|
اِقتباس (٢) : اِقتباس اَز خطبہ ٔصدارت اِجلاس دوم جمعیة علماء ِہند ١٩٢٠ء ''کچھ شبہ نہیں کہ حق تعالیٰ شانہ نے آپ کے ہم وطن اور ہندوستان کی سب سے زیادہ کثیر التعداد قوم (ہنود) کو کسی طریق سے آپ کے ایسے پاک مقصد (حصولِ آزادی) کے حصول میں مؤید بنادیا ہے اور میں اِن دونوں قوموں کے اِتحاد و اِتفاق کو بہت ہی مفید اور منتج سمجھتا ہوں، اِن اَقوام کی باہمی مصالحت اور آشتی کو اگر پائیدار اور خوشگوار دیکھنا چاہتے ہیں تو اِس کی حدود کو خوب اچھی طرح ذہن نشین کر لیجئے اور وہ حدود یہی ہیں کہ خدا کی باندھی ہوئی حدود میں کوئی رَخنہ نہ پڑے، جس کی صورت بجز اِس کے کچھ نہیں کہ اِس صلح وآشتی سے فریقین کے مذہبی اُمور میں سے کسی اَدنیٰ اَمر کو بھی ہاتھ نہ لگایا جائے اور دُنیاوی معاملات میں بھی ہر گز کوئی ایسا طریقہ اِختیار نہ کیا جائے جس سے کسی فریق کی اَیذا رسانی اور دِل آزاری متصور ہو۔ '' قارئین اَنوارِمدینہ کی خدمت میں اپیل ماہنامہ اَنوارِ مدینہ کے ممبر حضرات جن کو مستقل طورپر رسالہ اِرسال کیا جارہا ہے لیکن عرصہ سے اُن کے واجبات موصول نہیں ہوئے اُن کی خدمت میں گزارش ہے کہ اَنوارِ مدینہ ایک دینی رسالہ ہے جو ایک دینی اِدارہ سے وابستہ ہے اِس کا فائدہ طرفین کا فائدہ ہے اور اِس کا نقصان طرفین کا نقصان ہے اِس لیے آپ سے گزارش ہے کہ اِس رسالہ کی سرپرستی فرماتے ہوئے اپنا چندہ بھی اِرسال فرمادیں اوردیگر اَحباب کوبھی اِس کی خریداری کی طرف متوجہ فرمائیں تاکہ جہاں اِس سے اِدارہ کو فائدہ ہو وہاں آپ کے لیے بھی صدقہ جاریہ بن سکے۔(ادارہ)