ماہنامہ انوار مدینہ لاہور دسمبر 2013 |
اكستان |
|
اَخبار الجامعہ ( جامعہ مدنیہ جدید محمد آباد رائیونڈ روڈ لاہور ) سالانہ تبلیغی اِجتماع کے موقع پر جامعہ مدنیہ جدید میں بیرونِ ملک اور ملک بھر سے آنے والے شرکاء کی کثرت سے آمد و رفت رہی۔مظاہر العلوم سہارنپور سے حضرت مولانا محمد شاہد صاحب مدظلہم جامعہ مدنیہ جدید تشریف لائے اور شیخ الحدیث حضرت مولانا سیّد محمود میاں صاحب سے اُن کی رہائشگاہ پر ملاقات کی، بعد اَزاں حضرت کے ساتھ ناشتہ تناول فرمانے کے بعد طلباء سے خصوصی بیان فرمایا۔ ٨ نومبر کو شیخ الحدیث حضرت مولانا سیّد محمود میاں صاحب سہ روزہ ختم ِنبوت کورس کے اِختتامی پروگرام میں شرکت کی غرض سے واپڈا ٹائون تشریف لے گئے جہاں آپ نے تکمیل ِ نبوت کے موضوع پر جامع بیان فرمایا۔ ٩نومبر کو جناب حافظ فرید اَحمد صاحب شریفی کراچی سے جامعہ مدنیہ جدید تشریف لائے اور شیخ الحدیث حضرت مولانا سیّد محمود میاں صاحب سے ملاقات کی جس میں مختلف اُمور پر گفتگو ہوئی اور حضرت کے ساتھ دوپہر کا کھانا تناول فرمایا،بعد نماز ِعصر واپس تشریف لے گئے۔