ماہنامہ انوار مدینہ لاہور دسمبر 2013 |
اكستان |
|
اور اَحادیث کا بھرپور مطالعہ کیا ہے اور اپنی طویل ترین تحقیق کے بعد اِس نتیجہ پر پہنچاہوں کہ جو کچھ قرآنِ پاک میں ہے سچ ہے۔ اِنسان کی تخلیق اور اُس کی موت ایک ایسی نادیدہ طاقت کے پاس ہے جو اُسے پیدا بھی کرتا ہے اور اُسے زندہ بھی کرے گا۔ رابرٹ لانزا نے کہا کہ موت کے بعد جب اِنسان کی رُوح پرواز کر جاتی ہے تو جسم میں کئی گھنٹے تک جان موجود ہوتی ہے جس کی طبی دُنیا نے بھی تصدیق کی ہے ۔وہ اِس تحقیق میں اِس نتیجہ پر پہنچے ہیں کہ جس طرح اِنسان پیدائش سے لے کر بچپن، جوانی، بڑھاپے تک پہنچتا ہے اِسی طرح موت کے بعد بھی ایک مرحلہ موجود ہے،بے شمار سائنسی مثالیں پیش کرتے ہوئے اُنہوں نے کہا کہ قرآن وہ کتاب ہے جو بلا شبہہ خدا وندکریم کا کلام ہے اُسی خدا نے توارت، زبور اور اِنجیل بھی اُتاری ۔ امریکی سائنسدان نے یہ بھی کہا کہ تمام کتابوں کے مطالعے کے بعد میں اِس نتیجہ پر پہنچاہوں کہ ہر کتاب میں آخری رسول پیغمبر اِسلام اور آخری کتاب قرآن کا ذکر موجود ہے۔ (روز نامہ نوائے وقت لاہور ١٩ نومبر ٢٠١٣ ) ( چار بیماریوں سے حفاظت ) حضرت عبد اﷲ بن عباس سے ایک طویل حدیث میں روایت ہے کہ ایک بڑے میاں جنہیں قبیصہ کہا جاتا تھا وہ حضور علیہ السلام کے پاس آکر کہنے لگے کہ مجھے کوئی ایسی دُعا ء بتلا دیں جو مجھے دُنیا وآخرت میں نفع دے آپ ۖ نے فرمایا دُنیا کے نفع کے لیے تو یہ ہے کہ جب تم صبح کی نماز پڑھ چکو تو تین مرتبہ یہ کلمات کہہ لیا کرو سُبْحَانَ اﷲِ الْعَظِیْمِ وَبِحَمْدِہ وَلَا حَوْلَ وَلَا قُوَّةََ اِلَّا بِاﷲِ اِس کی برکت سے اﷲ تعالیٰ تمہیں چار بیماریوں سے بچائیں گے (١) جذام (٢) پاگل پن (٣) اَندھا پن (٤) فالج ۔ ( عمل الیوم واللّیلة لابن سنی ص ١١٧)