ماہنامہ انوار مدینہ لاہور دسمبر 2013 |
اكستان |
|
پھوٹ نہ ڈالیں اور کوئی چیز ایسی نہ کریں اُس سے پہلے وہ نہیں کر سکتے جب تک یہ متحد ہیں چونکہ وہ ساری قوم تیار ہے۔ آقائے نامدار ۖ نے مسلمان حکمران کو یہ بتلایا کہ وہ یہ سوچ لے کہ کتنی طاقت ہے اِن میں یہ برداشت کر سکیں گے یانہیں اُتنا ہی کام اُن سے لے تواُس کا اَثر پڑتا ہے اگر عدل ہو تو حکومت چلتی رہتی ہے اور ظلم ہو تو پھر نہیں چل سکتی لوگوں کی حمایت بھی نہیں رہتی دِلوں سے ہٹ جاتی ہے رُعب بھی ہٹ جاتا ہے اور بالآخر قدرت جو کرتی ہے نظام اپنا قائم تواُس کے نتیجہ میں وہ حکمران چلتا ہوتاہے، حکومت نہیں چل سکتی۔ تو آقائے نامدار ۖ نے اِیمان کی علامتوں میں سے ایک یہ بتلائی کہ تُحِبَّ لِلّٰہْ وَ تُبْغِضَ لِلّٰہِ خدا ہی کے لیے محبت اور بغض ہو اور یہ کہ اپنی زبان کو خدا کی یاد میں لگائے رکھو۔ اور پھر دُوسری بات دریافت کی تواِرشاد فرمایا کہ لوگوں کے لیے وہ پسند کرو جو اپنے لیے اور وہی ناپسندکرو جو اپنے لیے ناپسند کرو۔ اللہ تعالیٰ ہم سب کواِتباعِ سنت کی توفیق دے ،دین کو سمجھنے کی توفیق دے اور عمل کی توفیق دے اور قبولیت سے نوازے، آمین۔ اِختتامی دُعا ............. قارئین اَنوارِمدینہ کی خدمت میں اپیل ماہنامہ اَنوارِ مدینہ کے ممبر حضرات جن کو مستقل طورپر رسالہ اِرسال کیا جارہا ہے لیکن عرصہ سے اُن کے واجبات موصول نہیں ہوئے اُن کی خدمت میں گزارش ہے کہ اَنوارِ مدینہ ایک دینی رسالہ ہے جو ایک دینی اِدارہ سے وابستہ ہے اِس کا فائدہ طرفین کا فائدہ ہے اَور اِس کا نقصان طرفین کا نقصان ہے اِس لیے آپ سے گزارش ہے کہ اِس رسالہ کی سرپرستی فرماتے ہوئے اَپنا چندہ بھی اِرسال فرمادیں اَوردیگر اَحباب کوبھی اِس کی خریداری کی طرف متوجہ فرمائیں تاکہ جہاں اِس سے اِدارہ کو فائدہ ہو وہاں آپ کے لیے بھی صدقہ جاریہ بن سکے۔(ادارہ)