دیوبند سے شائع کیاگیا۔ اس کا عکس صدیقی ٹرسٹ کراچی نے شائع کیا۔ جسے ہم احتساب قادیانیت کی اس جلد میں شائع کرنے کی سعادت حاصل کر رہے ہیں۔
۸… اہل قبلہ کی تحقیق (مرزائی جماعت کی اسلام سے بغاوت): یہ رسالہ حضرت مولانا محمد مسلم عثمانی دیوبند کا مرتب کردہ ہے۔ آپ کی ایک کتاب ’’مسلم پاکٹ بک‘ ہم احتساب قادیانیت کی جلد۲۰میں شائع کر چکے ہیں۔ اس رسالہ کو اس کے ساتھ شامل ہونا چاہئے تھا۔مگر اس وقت یہ رسالہ دستیاب نہ ہوا۔ اب ملا ہے تو احتساب کی اس جلد میں شامل کرنے کی سعادت حاصل کر رہے ہیں۔
۱/۹… مرزائیوں کے بیس سوالات کاجواب: مرزائیوں کے لاہوری گروپ کے مہنت محمد علی لاہوری نے مسلمانوں سے بیس سوالات کئے ۔ جو دجل و تلبیس کا شاہکار تھے۔بابو پیر بخش صاحب لاہوری ،انجمن تائید الاسلام لاہور کے روح رواں نے ان کا جواب تحریر کیا۔ جو ماہوار رسالہ ’’تائیدالاسلام لاہور‘‘ج ۱ش۶،بابت جمادی الاوّل ۱۳۳۷ھ مطابق فروری۱۹۱۹ء میں شائع ہوا۔ یہ مکمل رسالہ انہیں جوابات پر مشتمل تھا۔ سوائے چند آخری صفحات کے جو علماء دیوبند کی قادیانیوں سے شرائط مناظرہ ومباہلہ کے بارہ میں گفتگو چل رہی تھی۔ اس پر ایڈیٹر نے رسالہ میں نوٹ لکھا۔ اس بحث کو بھی ہم نے شامل کردیا۔ گویا مکمل رسالہ تائید الاسلام لاہور فروری ۱۹۱۹ء اس جلد میں شامل ہے۔
بابو پیر بخش کے ردقادیانیت کے تمام رسالہ جات وکتب ہم احتساب قادیانیت کی جلد ۱۱،۱۲ میں شائع کرچکے ہیں۔ یہ رسالہ بھی انہی جلدوں میں آناچاہئے تھا۔ لیکن بعد میں دستیاب ہوا۔لہٰذا یہاں شائع کرنے کی سعادت حاصل کررہے ہیں۔
۲/۱۰… خدمات مرزا: ماہنامہ تائید الاسلام لاہو رمیں ایک مضمون شائع ہوا۔ جس کی سرخیاں یہ تھیں۔ (۱)کیا کسی نبی کو ناجائز خوشامد کی ضرورت پڑ سکتی ہے؟ (۲)پنجابی نبی مرزا غلام احمدقادیانی کی ٹوڈیت کا ثبوت اس مضمون کو’’خدمات مرزا‘‘ کے نام پر انجمن دعوت اسلام سنہری مسجد لاہور نے شائع کیا۔ ہم ایڈیٹر رسالہ کے نام پر اسے شامل کر رہے ہیں۔ یعنی بابو پیر بخش صاحب کا گویا مرتب کردہ ہے۔