دسویں صدی کے مجدد
حضرت امام شہاب الدین ابو بکر احمد بن محمد خطیب قسطلانی ؒ شارح بخاری متوفی ۹۱۳ھ وعارف باﷲ امام محمد شربینی ؒ صاحب تفسیر سراج منیر متوفی ۹۱۹ھ وعلامہ شیخ محمد طاہر محدث پٹنیؒ متوفی ۹۸۶ھ
گیارھویں صدی کے مجدد
حضرت علامہ امام علی بن سلطان قاریؒ وصال ۱۰۱۱ھ وحضرت امام ربانی عارف باﷲ جناب شیخ احمد سرہندی المعروف مجدد الف ثانی ؒ متوفی ۱۰۳۴ھ اور حضرت سلطان العارفین محمد باہوؒ ۱۱۰۲ھ
بارہویں صدی کے مجدد
حضرت علامہ مولانا امام ابو الحسن محمد بن عبدالہادی سندھی متوفی ۱۱۳۸ھ، حضرت علامہ عارف باﷲ امام عبدالغنی نابلسی ؒ متوفی ۱۱۴۳ھ، حضرت علامہ شیخ احمد ملاجیون متوفی ۱۱۲۵ھ
تیرھویں صدی کے مجدد
حضرت علامہ امام بحرالعلوم عبدالعلی لکھنویؒ متوفی ۱۲۲۶ھ، علامہ عارف باﷲ شیخ احمد صاوی مالکی متوفی۱۲۴۱ھ، علامہ عارف باﷲ احمد بن اسماعیل طحطاوی ؒ ۱۲۳۱ھ، حضرت شاہ عبدالعزیز صاحب محدث دہلویؒ متوفی ۱۲۳۹ھ
چودھویں صدی کے مجدد
امام اہل سنت اعلیٰ حضرت مولانا شاہ احمد رضا خان قادری صاحب فاضل بریلوی ؒ، آپ کی ولادت باسعادت بھارت کے صوبہ یوپی کے شہر بریلی میں ۱۰ شوال ۱۲۷۲ھ بمطابق ۱۴؍جون ۱۸۵۶ء بروز شنبہ بوقت ظہر اپنے والد ماجد مولانا نقی علی خانؒ کے گھرمیں ہوئی۔
حضرت مولانا شاہ احمد رضا خان ؒ نے علم دین وشریعت کو حضرت مولانا غلام قادر صاحب اور اپنے فاضل مکرم والد صاحب حضرت مولانا نقی علی خانؒ سے حاصل فرمایا۔ اور تیرہ برس دس ماہ کی عمر میں حفظ قرآن پاک سے شروع کرکے صرف، نحو، ادب، حدیث، تفسیر، کلام، اصول معانی وبیان، تاریخ، جغرافیہ، حساب، منطق فلسفہ، ہیئت وغیرہ وجمیع علوم دینیہ عقلیہ ونقلیہ کی تکمیل کرکے ۱۲ شعبان المعظم۱۲۸۶ھ کو سند فراغت حاصل اور دستار فضیلت زیب سر فرمائی۔
امام اہل سنت نے سلوک وطریقت کے علوم امام اولیاء سیدنا ومرشد ناشاہ آل رسول
