ماہنامہ انوار مدینہ لاہور جون 2011 |
اكستان |
 |
قسط : ١ اِنسداد توہین ِرسالت قانون سے متعلق سوالوں کا تفصیلی جائزہ ( جناب مولانا قاری محمد حنیف صاحب جالندھری ،ناظمِ اَعلیٰ وفاق المدارس العربیہ ) گزشتہ دِنوں اِنسداد توہین ِرسالت سے متعلقہ قوانین اَور اِسلامی اَحکامات مختلف مقامات، مختلف حوالوں اَور پہلوؤں سے زیر بحث رہے۔ اِس موضوع پر بہت کچھ کہا سنا اَور لکھا گیا لیکن وفاقی وزارتِ قانون کی طرف سے ''پاکستان میں توہین ِ رسالت کے قوانین سے متعلق اُٹھنے والے سوالوں کا تفصیلی جائزہ '' کے عنوان سے جو تفصیلی ریفرنس وزیر اعظم پاکستان کی خدمت میں بھیجاگیا ، وہ ایک تاریخی دستاویز کی حیثیت رکھتا ہے اَور پھر وزیر اعظم کی طرف سے اِس کی منظوری اَور وزیر اعظم سیکرٹریٹ کی طرف سے تمام متعلقہ وزارتوں کو اِن ہی تجاویز کی روشنی میں اِقدامات اُٹھانے کی ہدایت سے اِن تجاویز کی اہمیت دو چند ہوگئی۔ یہ تجاویز کسی عالم، کسی دینی تحریک، کسی مذہبی اِدارے کی طرف سے پیش نہیں کی جارہیں اَور نہ ہی اِنسداد توہین ِرسالت کے قوانین پر اَب آمر کی طرف سے بنائے گئے قوانین کی پھبتی کَسی جاسکتی ہے۔ تحفظ ناموسِ رسالت کے حوالے سے حالیہ جدو جہد کی تفصیلات پر مبنی ہمارے گزشتہ کالم میں اِن تجاویز کا حوالہ آیا تھااَور ہم نے قارئین سے وعدہ کیا تھا کہ اَگلی نشست میں اِن تجاویز پر بات ہوگی مگر یہ تجاویزبذاتِ خود اِنتہائی جامع اَور مدلّل ہیں اِس لیے اِنہیں من وعن پیش کیا جا رہا ہے۔ قارئین اَور بالخصوص اَربابِ علم و دَانش اِس تاریخی، قومی اَور قانونی دَستاویز کو اپنے ریکارڈ کا حصہ بنائیں اَور وہ حضرات جو اِنسداد توہین ِرسالت کے قانون کے حوالے سے کسی بھی قسم کے فکری مغالطے میں مبتلا ہیں وہ اِس دَستاویز میں قرآن و سنت اَور دُنیا کے مختلف ممالک میں موجود قوانین کی روشنی میں اپنے افکار و نظریات پر نظرثانی فرمائیں۔ وزارت ِقانون و اِنصاف کی طرف سے بھیجی جانے والی سمری ملاحظہ فرمائیں : (١) وزیر اعظم پاکستان کو مختلف اَفراد، اِداروں اَور غیر ملکیوں کی طرف سے کچھ خطوط موصول ہوئے جو وزیر اعظم سیکرٹریٹ کی طرف سے U.O-NO.5(30)-FSA-2010 کے تحت 30دسمبر 2010 ء اَورریفرنس نمبرASIABIBI-ODW-MISC-2010 کے تحت ١٥جنوری2011 ء کو وزارتِ قانون