Deobandi Books

کا کہ اُس وقت کیونکہ عورتیں پڑھی لکھی نہیں ہوتی تھیں عقل کامل نہیں ہوتی تھی اِس لیے ایسے فرمایا گیا اَب جب پڑھی لکھی عورتیں ہیں ایک مرد ہے جو اَن پڑھ ہے یا ایک ایسا ہے جس نے پرائمری تک پڑھا ہے میڑک تک پڑھا ہے دُوسری عورت ہے جو پی ایچ ڈی ہے وہ تو اُسے برسوں پڑھا سکتی ہے مدتوں پڑھا سکتی ہے تو اُس جاہل آدمی کی عقل کو اَور اِس عورت کی عقل کو جو پی ایچ ڈی ہے برابر نہ کہنا غلط ہے توقرآنِ پاک کا مطلب اُنہوں نے یہ نکالا کہ اُس وقت جب تک عورتیں کم پڑھی لکھی ہوتی تھیں اَب عورتیں بہت ہونے لگیں تو پھر مردوں کے برابر عورت کو قرار دینا چاہیے ایک مرد اَور ایک عورت کی گواہی کافی ہونی چاہیے۔ 
گواہی میں حوصلہ بھی چاہیے  :
جبکہ حقیقت ِحال یہ نہیں ہے حقیقت ِحال یہ ہے کہ جو قرآنِ پاک نے بتلادیا وہ صحیح ہے کیونکہ گواہی میں فقط حواس ہی کی ضرورت نہیں ہوتی، فقط علم کی ضرورت نہیں ہوتی اُس میں ہمت اَور حوصلے کی بھی ضرورت ہوتی ہے اللہ تعالیٰ نے ہمت اَور حوصلے کا وصف مردوں میں زیادہ رکھا ہے عورتوں میں کم ہے عورتوں پر جہاد فرض نہیں ہے کیونکہ یہ اُن کی برداشت سے باہر ہے تو گویا جس کے لیے اُن کو بنایا نہیں گیا وہ کام اُن سے لے رہے ہیں۔ 
رسول اللہ  ۖ نے اِرشاد فرمایا تھا لَکُنَّ اَفْضَلُ الْجِہَادِ الْحَجُّ اَوْ کَمَا قَالَ عَلَیْہِ السَّلَامُ  تمہارے واسطے جہاد کا اَفضل ترین طریقہ حج ہے۔
دِن رات کی تمام نمازوں میں سب کی حاضری  :
اَور پہلے حکم تھا آئو سب مسجد میں نماز پڑھو بعد میں حکم ہوگیا رفتہ رفتہ کہ اَگر عورت گھر میں پڑھے تو زیادہ ثواب ہے اَور گھر میں بھی اگر کوٹھری میں پڑھے اپنی تو اَور زیادہ ثواب ہے  فِیْ مِخْدَعِھَا  پردے کی جگہ تواَور زیادہ ثواب ہے ۔پہلے حکم یہ تھا کہ رات کے وقت بھی سب نمازوں میں آئیں رات کے وقت  غنڈے کم ہوتے تھے وہ دَور اچھا دَور تھا اَب رات کے وقت دِن ہی کی طرح یااُس سے بھی زیادہ ہوتے ہیں دَور بدل گیا ہے حکم بھی بدل جائے گا کوئی عورت جانا چاہتی ہے دن میں جائے رات کو گھر سے نکلے گی تنہا مسجد میں جائے گی وہ خطرے سے خالی نہیں ہے پہلے زمانے میں یہ بات نہیں تھی صحابۂ کرام کے دَور میں یہ تھا کہ رات کو جاسکتی تھیں تاکہ کوئی پہچانے نہ وہاں صرف اِتنی سی بات تھی پہچان اَور نہ پہچان کی لیکن اَگر دِن میں گھر سے نکلی ہے تو خود بخود پتہ چل جائے گا کہ فلاں گھر کی عورت ہے ،قد اُس کا یا جسم کی ساخت اُس کی یہ بتادے