ماہنامہ انوار مدینہ لاہور جون 2011 |
اكستان |
|
اَخبار الجامعہ ( جامعہ مدنیہ جدید محمد آباد رائیونڈ روڈ لاہور ) ٢٧جمادی الثانی /یکم مئی کو جامعہ کے لیے پانی کا نیا بور شروع کرایا گیا اِس موقع پر بعد نمازِ مغرب سورہ یٰسین شریف کا ختم ہوا اَور شیخ الحدیث حضرت مولانا سیّد محمود میاں صاحب نے دُعا فرمائی ۔ ٦ مئی کو شیخ الحدیث حضرت مولانا سیّد محمود میاں صاحب مولانا محمدمدنی صاحب کی دعوت پرماہانہ درس حدیث دینے کے لیے جامعہ غوثیہ قادریہ اَوکاڑہ تشریف لے گئے جہاں آپ نے ختم نبوت کے موضوع پر درس دیا۔ ٧ مئی کو شیخ الحدیث حضرت مولانا سیّد محمود میاں صاحب نے جامعہ عثمانیہ للبنات بادامی باغ لاہور میں ختم قرآن کی تقریب میں شرکت کی اَور موجودہ نظام ِ تعلیم کے حوالے سے بیان فرمایا۔ ٩ مئی کو شیخ الحدیث حضرت مولانا سیّد محمود میاں صاحب حاجی منیر صاحب کی دعوت پر اُن کے نئے گھر کی تعمیر مکمل ہونے پر پاجیاں تشریف لے گئے جہاں آپ نے نماز کے موضوع پر مختصر اَور جامع بیان فرمایا،بعد اَزاں اُن کے گھر کے لیے خیرو برکت کی دُعاء کی۔ ١٤ مئی کو شیخ الحدیث حضرت مولانا سیّد محمود میاں صاحب جامعہ کے طالب علم بن یامین کی دعوت پر والٹن تشریف لے گئے جہاں آپ نے تفصیلی بیان فرمایا ۔ ٢١ مئی کوجمعیت علماء اِسلام کے نائب اَمیر دوم سنیٹر حضرت مولانا گل نصیب خان صاحب شیخ الحدیث حضرت مولانا سیّد محمود میاں صاحب کی رہائشگاہ پر تشریف لائے دوپہر کا کھانا حضرت کے ساتھ تناول فرمایا ، بعد اَز نمازِ ظہر حضرت مولانا گل نصیب خان صاحب نے جامعہ کے طلبہ سے اُمت کے اَندر اِتحاد و اِتفاق پیدا کرنے کے موضوع پر بیان فرمایا۔ ٢٤مئی کو شیخ الحدیث حضرت مولانا سیّد محمود میاں صاحب جامعہ مفتوحہ للمسلمات اعوان ٹائون کی اِنتظامیہ کی دعوت پر ختم مشکوة اَورختم بخاری کے لیے تشریف لے گئے۔