Deobandi Books

نہیں ہو گا کہ ہاتھ کاٹ دیے جائیں کسی کے اَگر کوئی مرد گواہ نہ ملے صرف یہ عورت کہہ رہی ہو کہ یہ چور ہے  اِس نے یہ چرایا ہے یہ چرایا ہے یہ چرایا ہے تو اَگر وہ چیز مل گئی ہے تو وہ خود اِقرار کر لے گا اَور وہ چیز نہیں ملی اُس کے پاس اَور وہ خود اِقرار بھی نہیں کرتا اَورگواہ بھی پورے نہیں ہیں تو اُسے ایسے ہی نہیں چھوڑا جائے گا سزا تو  دی جائے گی کچھ نا کچھ اُس کا نام ہے ''تعزیر'' وہ ہوگی   '' حد'' جس کا مطلب ہے ہاتھ کاٹنا وہ نہیں ہوگی ۔
عقل کے کوروں کو قانونی حکمتیں سمجھ میں نہیں آتیں  :
تو اگر کسی مسلمان کا ہاتھ کاٹنے سے بچالیا اِس وجہ سے کہ عورت گواہ ہے تو کیا حرج ہے اُس کا ہاتھ کٹنے سے تو بچ گیا اَلبتہ کم درجے کی کوئی اَور سزا اُس کو کوئی نہ کوئی دی جائے گی لیکن عورت کی گواہی پر ہاتھ نہیں کٹے گا اِس کا، مگر( کوتاہ نظر)عورتوں کو یہ گوارہ نہیں ہے اُن کی نظر اِس پر نہیں جاتی کہ ہاتھ کٹے گا یا نہیں کٹے گا جب ہاتھ کٹے گا تو ہائے ہائے بھی یہی کریں گی ترس بھی یہی کھائیں گی۔نظر صرف اِس طرف ہے کہ سیکنڈ کلاس میں ہم کیوں ہیں ہمیں تو پہلے ہی درجہ میں ہونا چاہیے تو ہر اعتبار سے تم پہلے درجہ میں ہوجاؤ یہ کیسے ہوگا۔
یورپ میں بھی عورت مرد کے برابر نہیں  :
 اَور یہ دُنیا میں کسی جگہ بھی نہیں ،یہ عورتیں حرص کرتی ہیں یورپ کی حالانکہ یورپ میں بھی ایسا نہیں  ہے ورنہ آدھی فوج مردوں کی ہوتی آدھی عورتوں کی ہوتی آدھی کابینہ اُن کی مردوں کی ہوتی آدھی عورتوں کی ہوتی ہرجگہ پھر آدھی آدھی بلکہ عورتیں زیادہ ہیں زیادہ ہونی چاہئیں حکومت بھی اُن کی ہو سب کچھ اُنہی کا ہو، مساوات وہاں بھی نہیں کیونکہ یہ ممکن العمل نہیں ہے کیونکہ وہ اہلیت ہی نہیں پائی جاتی اِن کی خواہش یہ ہے کہ  ہم مردوں کے برابر اِس بات میں ہوجائیں کہ جیسے مرد کو طلاق کا حق ہے ویسے ہی ہمیں بھی ہو اَور جیسے مرد  طلاق نہ دے تو پھر طلاق ہی نہیں ہوتی ایسے ہی عورت اگر طلاق نہ لے تو طلاق نہ ہوا کرے یہ دِل چاہتا ہے اُن کا، اَور جیسے مرد کا یہ ہے کہ وہ کہیں بھی پھر سکتا ہے آوارگی میں ویسے ہی ہمیں بھی حق ہے کہ ہم بھی پھریں بس یہ برابری اگر اِنہیں مل جائے تو سب کچھ مل گیا پھر یہ دیت بھی بھول جائیں گی سب چیزوں کو بھول جائیں گی۔
عورت کی نصف دیت میں مرد کا نقصان ہے عورت کا نہیں  :
 دیت میں یہ ہے کہ شوہر اگر مارا گیا تو بیوی کو پوری دیت ملے گی وہ عورت کو مِل رہی ہے پوری