ماہنامہ انوار مدینہ لاہور اکتوبر 2009 |
اكستان |
 |
نہیں پیش کی جا سکتی، ویسے اگر کوئی قادیانی کسی بھی فورم پر چاہے اِن حوالوں کو چیلنج کرے ہم ہزار بار اُن کے چیلنج کو قبول کرنے کے لیے تیار ہیں۔ ایکسپریس چینل اَور لقمان گفتگو اِس کا اہتمام کرے تو ہم اِس کے لیے بھی تیار ہیں۔ اَب جناب الطاف حسین صاحب میری آپ سے درد مندانہ درخواست ہے کہ قادیانی گروہ مرزا کو محمد رسول اللہ کہے، مرزا کی بیوی کو خدیجہ کہے، مرزا کے ماننے والوں کو صحابی کہے ،مرزا کے منکرین کو جن میں آپ اَور فقیر بھی شامل ہیں ہم تمام مسلمانوں کو کافر کہے تو اِن عقائد کی انہیں اسلامی مملکت میں عام اجازت ہونی چاہیے..........؟ اَور پھر ظلم یہ کہ قادیانی اِن کفریہ عبارات ونظریات کو اِسلام کے نام پر پیش کرتے ہیں کیا اِس کی اُن کو اجازت ہونی چاہیے ...........؟ کیا ایک آپ کا مخالف آپ کی پارٹی کے نام کو استعمال کرسکتا ہے .......؟ متحدہ میں ایک شخص شامل نہیں مگر کیا وہ آپ کا ٹریڈ مارک استعمال کر سکتا ہے.......؟ آپ کے علاوہ کوئی شخص ظل وبروز کی آڑ میں آپ کے نام ومقام کا مدعی سچاہو سکتا ہے .......؟ فرضی طور پر ایک شخص اپنے آپ کو الطاف حسین کہہ کر آپ کی پارٹی آپ کی جائداد آپ کی اَولاد پر وہی حقوق حاصل کر سکتا ہے جو آپ کو حاصل ہیں...... ؟ اگر نہیں اَور ہر گز نہیں تو پھر قادیانیوں کو کیوں اجازت دی جا سکتی ہے کہ وہ اِسلام کے نام پر اپنے کفر اور جعل سازی کو جاری رکھیں۔ محترمی ! میں آپ کی بات نہیں کرتا آپ اِسے بد اخلاقی پر محمول کریں گے کیا ایک شخص جعلی طور پر کسی کو کہے کہ میں تمہارا باپ ہوں تو کیااُس کو اِس کی اجازت ہونا چاہیے .........؟ اے کاش کم اَزکم محبوب ِ رب العالمین ۖ کی عزت کو اپنے باپ کی عزت کے برابر ہی قرار دیا ہوتا۔ افسوس آپ سے تو یہ بھی نہ ہوا۔ ٤ : آپ نے فرمایا ''اگر پاکستان میں ایک ہندو کو اپنے عقیدہ کے مطابق عبادت کا حق ہے تو قادیانیوں کو بھی وہ حق ملنا چاہیے۔'' محترمی ....! یہاں آپ چوکڑی بھول رہے ہیں۔ قادیانیوں کی حمایت میں حقائق کا اِنکار آپ کے وقار میں ہر گز اضافہ نہیں کرے گا۔ ہندو آئین ِ پاکستان کو مانتا ہے وہ جو کچھ کرتا ہے اپنے عقیدہ کو ہندو اِزم کے نام سے متعارف کراتا ہے۔ آئین ِ پاکستان کہتا ہے کہ قادیانی غیر مسلم ہیں، قادیانی خود کو مسلمان کہہ کر آئین ِ پاکستان سے بغاوت کرتے ہیں۔آئین کو ماننے والا اَور آئین سے بغاوت کرنے والاکیا دونوں برابر ہیں .......؟