ماہنامہ انوار مدینہ لاہور اکتوبر 2009 |
اكستان |
|
درس حدیث حضرت ِاقدس پیر و مرشد مولانا سید حامد میاں صاحب کے مجلسِ ذکر کے بعد درسِ حدیث کا سلسلہ وار بیان ''خانقاہِ حامدیہ چشتیہ'' رائیونڈ روڈ لاہور کے زیرِانتظام ماہنامہ'' انوارِ مدینہ'' کے ذریعہ ہر ماہ حضرت اقدس کے مریدین اور عام مسلمانوں تک با قاعدہ پہنچایا جاتا ہے۔ اللہ تعالیٰ حضرت اقدس کے اِس فیض کو تا قیا مت جاری و مقبول فرمائے۔ (آمین) نبی علیہ السلام کی اِرشاد فرمودہ دوائوں کی معجونِ مرکب ہونی چاہیے مریض کی عمر کی رعایت میں حکمت ۔'' سنا'' میں شفاء ہے شُبْرُمْ بہت گرم ہے ۔ اِسہال کابہتر طریقہ ( تخریج و تزئین : مولانا سیّد محمود میاں صاحب ) (کیسٹ نمبر 60 سا ئیڈ A 11 - 07 - 1986) الحمد للّٰہ رب العالمین والصلٰوة والسلام علٰی خیر خلقہ سیدنا ومولانا محمد وآلہ واصحابہ اجمعین امابعد ! یہ ذکر ہورہا تھا کہ جناب ِ رسول اللہ ۖ نے کچھ دوائیں بتلائی ہیں اُن میں ایک تو شہد ہے ایک کلونجی ہے ایک قُسط ِ بحری ہے یہ جڑی بوٹیوں میں سے ہے۔ اَور ایک خون کا نکلواتے رہنا ہے۔ اَور اِس کے علاوہ بھی باتیں بتلائی ہیں مثلاً ذَاتُ الْجَنْبِ یعنی نمونیہ اِس کے بارے میں رسول اللہ ۖ نے پسند فرمائی ہے ایک دوائ، اُس کے بارے میں ایسے الفاظ تو نہیں ہیں کہ یہ شفاء ہے بلکہ منجملہ دوائوں کے اُس کو پسند فرمایا گیا ہے اُس کی تعریف فرمائی گئی ایک شہد اَور ایک وَرَس۔یہ وَرَس جو ہے اِس کو'' کُسُمْ ''کہتے ہیں اِس سے رنگا بھی جاتا ہے کپڑا ۔ زعفران اَور کُسُمْ ایک چیز ہیں : اَور اِس کے بارے میں یہ بھی لکھا ہے کہ زعفران اَور یہ ایک ہی چیز ہیں، آب و ہوا کے فرق سے یہ