ماہنامہ انوار مدینہ لاہور ستمبر 2007 |
اكستان |
|
تقریب ختم ِ بخاری شریف جامعہ مدنیہ جدید میں تقریب ختم ِ بخاری شریف کی مختصر رُوداد ( بقلم : مولانا محمد عابد صاحب ،فاضل جامعہ مدنیہ لاہور ) طے شدہ نظم کے مطابق جامعہ مدنیہ جدید میںختم بخاری شریف ٢٠ رجب المرجب مطابق ٥ اگست بروز اتوار منعقد ہونا تھا،مگر خوش قسمتی کہ ہندوستان سے حضرت مولانا سید اَرشد صاحب مدنی مدظلہم کی اچانک لاہور تشریف آوری ہوئی تو ختم ِبخاری شریف کی تقریب کا انعقاد ایک روز پہلے ١٩ رجب المرجب مطابق ٤اگست بروز ہفتہ بعد نمازِ مغرب جامعہ مدنیہ جدید کی مسجد حامد میں ہوا۔ اِس تقریب کے مہمانِ خصوصی صدر جمعیت علمائے ہند و اُستاذ الحدیث و ناظم ِ تعلیمات دارُالعلوم دیوبند حضرت مولانا سید اَرشد صاحب مدنی مدظلہم تھے جنھوں نے بخاری شریف کی آخری حدیث پڑھاکر مختصر بیان فرمایا اور دُعاء فرمائی۔ اس موقع پر جامعہ کے اَساتذہ، طلباء اور بڑی تعداد میں بیرونی اور مقامی حضرات نے شرکت فرمائی اِس تقریب کا باقاعدہ آغاز حافظ فرید احمد صاحب شریفی کی تلاوت ِ کلام پاک سے ہوا اِس کے بعد جامعہ جدید کے متعلم محمد خبیب سلّمہ نے مرزا غلام احمد قادیانی پر اپنی لکھی ہوئی نظم مخصوص اَنداز میں پڑھ کر سُنائی اور شائقین سے داد وصول کی۔ بعد اَزاںفاضل نوجوان محمد قاسم صاحب نے ہدیہ نعت ِ رسول ِ مقبول پیش کی۔ ہدیۂ عقیدت کے بعدجامعہ مدنیہ جدید کے فاضل میواتی برادران کی اپنے مادرِ علمی جامعہ مدنیہ جدید پر نظم ''یہ مدنیہ گلشن پیارا ہے، اِسے رب نے خوب نکھارا ہے'' سے سامعین بہت لطف اَندوز ہوئے۔ اِس کے بعدجامعہ مدنیہ جدید کے اُستاذ الحدیث حضرت مولانا محمد حسن صاحب مدظلہم نے بیان فرمایا۔ آپ نے اپنے بیان میں اَکابرین کی رفعت ِ شان کے سلسلہ میں ترغیبی واقعات سُنائے۔ علماء و اَکابر کے اَدب و احترام پر زور دیا، علم سیکھنے کی ترغیب دی۔ اِس کے بعد جامعہ کے اُستاذ الحدیث حضرت مولانا اَمان اللہ صاحب دامت برکاتہم نے مختصر بیان فرمایا۔