ماہنامہ انوار مدینہ لاہور ستمبر 2007 |
اكستان |
میرے بھائیو ! میری نصیحت کا بُرا نہ مانو میں تمہارا سچا خیرخواہ ہوں مگر ہر بات میں اتباعِ نبوی ۖ محلوظ رکھتا ہوں، چند روزہ دُنیا ہے وہاں جاکر یہ عیش و عشرت سب خاک میں مل جاوے گا اور سوائے غلامانِ رسول ۖ کوئی نجات نہ پائے گا اَب بھی آپ لوگ کسی اہل ِ بصیرت کی خدمت کرکے اسلام اور متعلقاتِ اسلام سے آگاہی حاصل کرکے سنت ِ نبوی ۖ پر عمل درآمد کیجیے ورنہ بجز تباہی اور افسوس اور کچھ حاصل نہ ہوگا ع بر رسولا بلاغ باشد و بس وَلَقَدْ نَادَیْتُ لَوْ اَسْمَعْتُ حَیَّا وَلٰکِن لَّا حَیَاةَ لِمَنْ اُنَادِیْ اگر ذرا بھی غور کیجیے گا اور تھوڑی سی بھی اہلیت حب ِخالق کی ہوگی تو اِس قدر مضمون کافی ہے۔ یہ قلیل آپ کے ذہن میں کثیر ہوجاوے گا اَلْعَاقِلُ تَکْفِیْہِ الْاِشَارَةُ مشہور ہے۔ (جاری ہے) وفیات بانی ٔ جامعہ حضرت اقدس کے پرانے محب محترم الحاج عبدالرشید صاحب ٣١ جولائی کو راجگڑھ لاہور میں عارضۂ قلب کی وجہ سے انتقال کر گئے۔مرحوم علماء کرام کا بہت احترام کرتے تھے اور نیک سیرت انسان تھے۔ لندن کے محترم شفیق صاحب و برادران کی کی خالہ صاحبہ گزشتہ ماہ لندن میں وفات پا گئیں۔ جامعہ مدنیہ کے قدیم فاضل مولانا قاضی عبدالقدیر صاحب کے جواں سال بیٹے سانپ کے ڈسنے کی وجہ سے گزشتہ ماہ وفات پا گئے۔ حضرت مولانا درخواستی صاحب کے نواسے مولانا شفیق الرحمن صاحب درخواستی ٢٥اگست کو خانپور میں انتقال فرماگئے۔ اِنَّا لِلّٰہِ وَاِنَّا اِلَیْہِ رَاجِعُوْنَ۔