Deobandi Books

(١٧)  کیا قرآنِ پاک میں کوئی ایسی صریح آیت موجود ہے کہ مقتدی کے لیے سورة فاتحہ پڑھنا فرض ہے اور باقی ١١٣ سورتیں پڑھنا حرام ہے اور جو فاتحہ نہ پڑھے وہ بے نماز ہے۔ 
(١٨)  مقتدی کے لیے امام کے پیچھے فاتحہ پڑھنا فرض ہے، اگر نہ پڑھے تو اُس کی نماز نہیں ہوتی۔ بخاری یا مسلم شریف کی کوئی صحیح، صریح اور غیر معارض حدیث پیش کریں؟ 
(١٩)  اکیلے نمازی کے لیے آمین آہستہ کہنا سنت ِمؤکدہ ہے۔ کوئی صحیح، صریح اور غیر معارض حدیث پیش کریں؟ 
(٢٠)  حضورِ اکرم  ۖ  نے اپنے مقتدیوں کو چھ رکعتوں میں بآواز بلند اور گیارہ رکعتوں میں آہستہ آمین کہنے کا حکم دیا ہو۔ ایک صحیح، صریح اور غیر معارض حدیث پیش کریں؟ (چھ سے مراد مغرب کی پہلی دو، عشاء کی پہلی دو اور فجر کی دو رکعت مراد ہیں۔ اور گیارہ سے ظہر اور عصر کی چار چار ،مغرب کی آخری ایک اور عشاء کی آخری دو رکعات مراد ہیں) 
(٢١)  اگر امام ظہر یا عصر کی نماز میں قراء ت بلند آواز سے کرے تو اُس کی نماز فاسد ہوگی یا مکروہ؟ صحیح، صریح اور غیر معارض حدیث پیش کریں؟ 
(٢٢)  سورة فاتحہ کے بعد سورة ملانا فرض ہے یا واجب؟ سنت ہے یا نفل؟ صحیح، صریح اور        غیر معارض حدیث پیش کریں؟ 
(٢٣)  رکوع میں جاتے اور رکوع سے سر اُٹھاتے وقت رفعِ یدین سنت ِمؤکدہ ہے یا غیر مؤکدہ؟ صحیح، صریح اور غیر معارض حدیث پیش کریں؟ 
(٢٤)  جو شخص رکوع کے وقت رفع یدین نہ کرے اُس کی نماز ہوجاتی ہے یا نہیں؟ صحیح، صریح اور غیر معارض حدیث پیش کریں؟ 
(٢٥)  رکوع کی تکبیر امام کے لیے بلند آواز سے کہنا سنت ہے اور مقتدی کے لیے آہستہ آواز سے کہنا سنت ہے۔ صحیح، صریح اور غیر معارض حدیث پیش کریں؟
(٢٦)  رکوع کی تسبیحات امام اور مقتدی کے لیے آہستہ پڑھنا سنت ہے۔ صحیح، صریح اور غیر معارض حدیث پیش کریں؟