ماہنامہ انوار مدینہ لاہور فروری 2005 |
اكستان |
|
سلسلہ نمبر٩ قسط : ١ ''الحامد ٹرسٹ''نزد جامعہ مدنیہ جدید رائیونڈ روڈ لاہورکی جانب سے شیخ المشائخ محدثِ کبیر حضرت اقدس مولانا سیّد حامد میاں صاحب رحمة اللہ علیہ کے بعض اہم خطوط اور مضامین کو سلسلہ وار شائع کرنے کا اہتمام کیا گیا ہے جو تاحال طبع نہیں ہوسکے جبکہ ان کی نوع بنوع خصوصیات اس بات کی متقاضی ہیں کہ افادۂ عام کی خاطر اِن کو شائع کردیا جائے۔ اسی سلسلہ میں بعض وہ مضامین بھی شائع کیے جائیں گے جو بعض جرا ئد و اخبارات میں مختلف مواقع پر شائع ہو چکے ہیں تاکہ ایک ہی لڑی میں تمام مضامین مرتب و یکجا محفوظ ہو جائیں۔(ادارہ) اسلام اپنے اعلیٰ اوصاف کی وجہ سے دوسرے سب دینوں پر غالب ہے ( نظر ثانی و عنوانات : مولانا سےّد محمود میاں صاحب ) آج کل جبکہ دنیا ترقی کی دعویدار ہے، ایک بزعم ِخود مہذب اور ترقی یا فتہ ملک اسرائیل کی بدعہدی اور دھوکہ بازی آپ کے سامنے ہے۔ یہ اسرائیل دنیا کی سب سے زیادہ ترقی یافتہ اقوام کا پروَردہ اور اُن کے اخلاق کا آئینہ دار ہے۔ اسلامی تعلیمات میں ایسی مکاریوں کا کوئی مقام نہیں ہے۔ آج دنیا میں تمام ترقی یافتہ اقوام اپنے مفادات اور وسعت تجارت کی غرض سے سچی اوردیانتدار رہتی ہیں ۔ حقیقتا ً اخلاقی اقدار سے یکسر خالی ہیں ،وہ کسی غیر مہذب قوم کو مہذب بنانے اورعمدہ اخلاق سے مزین کرنے کے لیے جنگ مول نہیں لیتیں بلکہ اُن کا مطمح نظر وسعت پسندی اورغلبہ قائم رکھنا اور دوسروں کو کمزور بنانا ہوتاہے۔ویت نام اور کوریا کی جنگ امریکہ چین اور اسرائیل کا وجود سب اسی شجرۂ خبیثہ کے ثمرات ہیں جہاں جہاں امریکی افواج مقیم ہیں اُن علاقوں کے باشندوں کا معیاراخلاق روز بروزگرتا جارہا ہے ۔شراب وزنا عام ہیں اوران دوچیزوں کے جو نتائج بد ہوتے ہیں وہ انہیں محیط ہیں۔ آج دنیا میں سی ۔ آئی ۔ اے کی تخریب کاریاں سب کے سامنے ہیں ۔ کیا کوئی اِن امریکی تباہ کاریوں کی وجہ بتلا سکتا ہے کہ کیوں ہیں؟کیا امریکی لوگ کسی کو بلند اخلاق