ماہنامہ انوار مدینہ لاہور فروری 2005 |
اكستان |
|
ضرور مغفرت کردی جائے گی اگرچہ وہ میدانِ جنگ سے بھاگ کر ہی آیا ہو۔(کفارات الخطایا ص٢٨٦) (٣٣) اللہ سے مغفرت طلب کرنا : حضرت جابر بن عبداللہ سے روایت ہے کہ رسول اللہ ۖ نے حضرت علی کرم اللہ وجہہ سے فرمایا اے علی (رضی اللہ عنہ ) ! میں تم کو ایسے کلمات نہ سکھائوں کہ ان کی بدولت اگر تم دُعاء مانگو پھر تمہارے صدا (یمن میں ایک مقام کا نام ہے ) کے برابر گنا ہ ہوں تو اللہ تعالیٰ ان کلمات کی وجہ سے تمہاری مغفرت فرمادے گا ۔ حضرت علی رضی اللہ عنہ نے عرض کیا یا رسول اللہ ۖ (ضرور سکھائیے) حضور ۖ نے ارشاد فرمایا : تم کہو اَللّٰھُمَّ اِنِّیْ اَسْئَلُکَ بِلَآ اِلٰہَ اِلَّا اَنْتَ اَلْحَلِیْمُ الْکَرِیْمُ سُبْحَانَ اللّٰہِ رَبِّ الْعَرْشِ الْکَرِیْمِ اَسْأَلُکَ اَنْ تَغْفِرَلِیْ۔ (٣٤) جمعہ کے روز سورۂ کہف پڑھنا : حضرت ابن عمر رضی اللہ عنہ سے مروی ہے اُنھوں نے کہا رسول اللہ ۖ نے فرمایا جمعہ کے دن سورۂ کہف پڑھنے سے ایک نور اُس کے قدم سے آسمان تک کے برابر نکلتا ہے جو قیامت تک چمکتا رہتا ہے اور دونوں جمعوں کے درمیان کے گناہ معاف کردئیے جاتے ہیں (ابن مردویہ بحوالہ البلاغ ج ٣٥ ش٣ )۔ (٣٥) مختصر وظیفہ : حضرت براء بن عازب رضی اللہ عنہ سے روایت ہے کہ رسول اللہ ۖ نے فرمایا جو شخص ہر نماز کے بعد اَسْتَغْفِرُاللّٰہَ وَاَتُوْبُ اِلَیْہِ پڑھا کرے تو اُس کی مغفرت کردی جائے گی خواہ وہ میدانِ جنگ سے بھاگ کر ہی کیوں نہ آیا ہو۔ (کفارات الخطایا ص٢٦٧) (٣٦) ذکر کی مجلس پرمغفرت : حضرت انس بن مالک رضی اللہ عنہ سے مروی ہے وہ رسول کریم ۖ سے روایت کرتے ہیں جب لوگ صرف اللہ کی خوشنودی اور اُس کی رضا جوئی کے لیے اکٹھے ہوتے اور اللہ کا ذکر کرتے ہیں تو آسمان سے ایک منادی ندا کرتا ہے کھڑے ہو جائو تم کو بخش دیا گیا، تمہارے گناہوں کو نیکیوں سے بدل دیا گیا ۔(احمد) (٣٧) نعمت پر حمد پڑھنا : حدیث شریف میں آیا ہے جب اللہ تعالیٰ اپنے کسی بندے کو کسی نعمت سے نوازتا ہے تو وہ پہلی مرتبہ