ماہنامہ انوار مدینہ لاہور فروری 2005 |
اكستان |
|
(٢٢) صلوٰة التوبہ پڑھنا : حضرت حسن بصری رحمة اللہ علیہ سے مروی ہے کہ رسول اللہ ۖ نے ارشاد فرمایا کسی بندے سے جب گناہ ہو جائے پھر وہ وضو کرے اور وضو کو کمال درجہ تک پہنچائے اور پھر وہ ایک خالی جگہ میں جاکر دورکعت نماز پڑھے اور اللہ سے اُس گناہ کی مغفرت چاہے اللہ اُس کی مغفرت فرمادیں گے۔ (کفارات الخطایا ص١٦٨) (٢٣) جمعہ کے دن غسل کرنا : حضرت ابوامامہ رضی اللہ عنہ نبی اکرم ۖ کا ارشاد نقل کرتے ہیں کہ آپ نے فرمایا جمعہ کے دن غسل کرنا گناہوں کو بالوں کی جڑوں سے سونت کر نکال دیتا ہے ۔ (کفارات الخطایا ص١٦٩) (٢٤) بروز جمعہ نمازِ فجر کا اہتمام : حضرت ابو عبیدہ رضی اللہ عنہ سے روایت ہے کہ رسول اللہ ۖنے ارشاد فرمایا کہ جمعہ کے دن فجر کی نماز باجماعت پڑھنا اس سے کوئی نماز افضل نہیں ہے ۔اور میرا گمان یہ ہے کہ جو آدمی فجر کی نماز باجماعت پڑھے گا اُس کی ضرور بالضرور مغفرت کردی جائے گی ۔ (کفارات الخطایا ص ١٧٤) (٢٥) ہر مہینے تین روزے رکھنا : حضرت میمونہ سے مروی ہے فرماتی ہیں میں نے عرض کیا اے اللہ کے رسول (ۖ) نفل روزوں کے بارے میں بتائیے ۔ آپ ۖ نے ارشاد فرمایا جو استعداد رکھتا ہو ہر مہینے تین روزے رکھ لیا کرے کیونکہ ہردن کا روزہ دس خطائوں کی بخشش کا ذریعہ ہے اور یہ گناہوں سے ایسا صاف ستھرا کردیتا ہے جیسے پانی کپڑے کو ۔(ایضاً ص ١٨٩) (٢٦) آسان وظیفہ : حضرت انس رضی اللہ عنہ سے روایت ہے کہ رسول اللہ ۖ نے ارشاد فرمایا جو شخص نماز کے بعد سُبْحَانَ اللّٰہِ الْعَظِیْمِ وَبِحَمْدِہ لَاحَوْلَ وَلَا قُوَّةَ اِلَّا بِاللّٰہِ کہے وہ شخص اس حال میں کھڑا ہوگا کہ اُس کی مغفرت ہو چکی ہوگی ۔(کفارات الخطایا ص٢٦٦) (٢٧) شب ِجمعہ میں ُسورہ دُخان کی تلاوت کرنا : حضرت ابو ہریرہ رضی اللہ عنہ سے روایت ہے کہ رسول اللہ ۖ نے فرمایا جس شخص نے حٰم دخا