ماہنامہ انوار مدینہ لاہور فروری 2005 |
اكستان |
 |
حرف آغاز نحمدہ ونصلی علی رسولہ الکریم امابعد ! گزشتہ دنوں قومی اخبار روزنامہ نوائے وقت میں سوشل پالیسی اینڈ ڈویلپمنٹ کی طرف سے ایک رپورٹ شائع ہوئی ہے جس میں کہا گیا ہے کہ '' پچھلے پانچ سالوں کے دوران پاکستان کے 10فیصد امیر ترین گھرانوں کی قوتِ خرید میں 33فیصد اضافہ ہوا ہے جبکہ اسی عرصہ میں ملک کے 10فیصد غریب ترین خاندانوں کی قوتِ خرید میں 9 فیصد کمی واقع ہوئی ہے ۔ یہ انکشاف سوشل پالیسی اینڈ ڈویلپمنٹ کی رپورٹ میں کیا گیا ہے۔ رپورٹ میں بتایا گیا ہے 1999ء سے 2004ء کے عرصہ میں دو طبقوں کی آمدن وخرچ میں واضح عدم توازن نوٹ کیا گیا ہے۔ ملک کے 10فیصد امیر ترین گھرانوں کی آمدن میںاضافے کی وجہ سے ان کی قوتِ خرید میں 33فیصد اضافہ جبکہ نچلی سطح پر 10فیصد غریب ترین گھرانوں کی کم آمدن کی وجہ سے ان کی قوتِ خرید میں 9فیصد کمی ریکارڈ کی گئی ہے ۔ رپورٹ کے مطابق سندھ اور بلوچستان میں دیگر دو صوبوں کے مقابلے میں غربت کی شرح زیادہ ہے۔مجموعی طورپر غربت کی سطح میں اضافہ ہوا ہے''۔ (روزنامہ نوائے وقت ١٧ جنوری ٢٠٠٥ئ)