ماہنامہ انوار مدینہ لاہور فروری 2005 |
اكستان |
|
لْحَمْدُ لِلّٰہْ کہتا ہے تو اسکا شکر ادا کردیتا ہے ،دوسری مرتبہاَلْحَمْدُ لِلّٰہْ کہتا ہے تو اللہ تعالیٰ از سرنو اُس نعمت کا ثواب دیتا ہے اور جب تیسری مرتبہ اَلْحَمْدُ لِلّٰہْ کہتا ہے تو اللہ تعالیٰ اُسکے گناہ بخش دیتاہے ۔(حصن حصین) (٣٨) مجلس کا کفارہ : حضرت ابوہریرہ رضی اللہ عنہ سے مروی ہے کہ رسول کریم ۖ نے فرمایا آدمی کسی مجلس میں بیٹھتا ہے اور اُس میں اُلٹی سیدھی باتیں ہو جاتی ہیں سوجو کھڑے ہونے سے پہلے یہ کلمات کہہ دے سُبْحَانَکَ اللّٰھُمَّ وَبِحَمْدِکَ اَشْھَدُ اَنْ لَّا اِلٰہَ اِلَّا اَنْتَ اَسْتَغْفِرُکَ وَاَتُوْبُ اِلَیْکَ تو اس مجلس میں جو کچھ کوتاہی ہوئی ہے اُس سب کی مغفرت ہو جاتی ہے ۔ (ابو دائود) (٣٩) تین بار دُرود شریف پڑھنا : ابو کاہل رضی اللہ عنہ سے مروی ہے وہ کہتے ہیں مجھے جناب رسول اللہ ۖنے فرمایا جو شخص ہر روز مجھ پر تین بار درود شریف پڑھے نہایت محبت اور شوق میں آکر، تو اللہ کے ذمہ حق ہے کہ اُس رات اُس کے گناہ بخش دے ۔(طبرانی) (٤٠) کثرت سے استغفارپڑھنا : حضرت ابوبکر صدیق رضی اللہ عنہ سے روایت ہے جو شخص استغفار کرتا رہتا ہے وہ گناہ پر اصرارکرنے والوں میں نہیں ہوتا اگرچہ دن میں ستّر بار کرے (یعنی استغفار کی برکت سے اس طرح گناہ مٹ جاتے ہیں جیسا کہ گناہ کیا ہی نہیں )۔ حدیث میں ہے اَلتَآئِبُ مِنَ الذَّنْبِ کَمَنْ لَا ذَنْبَ لَہ یعنی گناہوں سے تویہ کرنے والاایساہے گویا گناہ کیا ہی نہیں ۔ دوسری روایت میں ہے مَنِ اسْتَغْفَرَاللّٰہَ غَفَرَاللّٰہُ لَہ جوشخص اللہ تعالیٰ سے استغفار کرے گا اللہ تعالیٰ اُس کی مغفرت فرمائیں گے۔ ف : لہٰذا تمام صغیرہ و کبیرہ گناہوں سے سچی توبہ کرنا ضروری ہے اور دل سے ندامت ہو، حقوق العباد سے سبکدوش ہوں ، فرائض وواجبات جو رہ گئے ہوں اُن کی قضا کرے پھر مغفرت کاملہ یقینی ہے ان شاء اللہ ۔