ماہنامہ انوار مدینہ لاہور اکتوبر 2003 |
اكستان |
|
سلسلہ نمبر٤ قسط نمبر١ ''الحامد ٹرسٹ''نزد جامعہ مدنیہ جدید رائے ونڈ روڈ لاہورکی جانب سے شیخ المشائخ محدثِ کبیر حضرت اقدس مولانا سیّد حامد میاں صاحب رحمة اللہ علیہ کے بعض اہم خطوط اور مضامین کو سلسلہ وار شائع کرنے کا اہتمام کیا گیا ہے جو تاحال طبع نہیں ہوسکے جبکہ ان کی نوع بنوع خصوصیات اس بات کی متقاضی ہیں کہ افادۂ عام کی خاطر ان کو شائع کردیا جائے۔ اسی سلسلہ میں بعض وہ مضامین بھی شائع کیے جائیں گے جو بعض جرائد و اخبارات میں مختلف مواقع پر شائع ہو چکے ہیں تاکہ ایک ہی لڑی میں تمام مضامین مرتب و یکجا محفوظ ہو جائیں ۔(ادارہ) ( نظر ثانی و عنوانات : مولانا سےّد محمود میاں صاحب ) بانی ٔدارالعلوم دیوبند حضرت سیّد حاجی محمد عابد حسین رحمة اللہ علیہ نسب : سیّد محمد عابد ابن سیّد عاشق علی ابن سیّد قلندر بخش ابن سیّد جان عالم ابن سیّد محمد عالم ابن سیّد محمد جمیل ابن سیّد محمد اسماعیل ابن حضرت حاجی سید محمد ابراہیم رحمہم اللہ ۔سیّد محمد ابراہیم سے اوپر کا شجرہ نسب دوسرے مضمون میں دیا چکا ہے۔(شاید اس سے مرادتذ کرہ ساداتِ رضویہ ہو )۔ تذکرة العابدین ١ میں ہے کہ سات سال کی عمر میں قرآن پاک پڑھا پھر فارسی زبان پڑھنی شروع کی ۔بارہ سال کی عمر تھی کہ اس عرصہ میں مولانا ولایت علی صاحب ٢ دیوبند تشریف لائے ۔حاجی صاحب نے ان سے بیعت کی ،نماز پنجگانہ اور تہجد کا اُسی روز سے شوق ہوا کہ کبھی قضا نہ ہونے پائی ۔ جب مولوی ولایت علی سہارنپور گئے آپ بھی ان کے ہمراہ ١ تذکرة العابدین مصنفہ مولانا نذیر احمد صاحب عثمانی دیوبندی مطبوعہ دِلی پرنٹنگ ورکس دہلی ١٣٣٣ھ ۔مولانا نذیر احمد صاحب کو حاجی محمد عابد صاحب رحمة اللہ علیہماسے خلافت حاصل تھی انہوں نے اپنے مرشد کے علاوہ سلاسل اربعہ معروفہ وغیر ہا کے مشائخ کے حالات بھی لکھے ہیں۔یہ کتاب چار جلدوں میںہے ان کی وفات ١٣٥٨ھ میں ہوئی۔ ٢ یہ حضرت حاجی محمد عابد صاحب کی بڑی خوش قسمتی ہے کہ انھیں مولانا ولایت علی صاحب سے شرفِ بیعت حاصل ہوا بلکہ ملفوظاتِ انوری میں نقشہ سلاسل سے معلوم ہوا کہ طریقہ نقشبندیہ میں مولانا نے حاجی صاحب کو اجازت سے بھی مشرف فرمایا۔مولانا ولایت علی صاحب حضرت سیّد احمد شہید قدس سرہ کے خلفاء میں تھے مولانا ولایت علی کے حالات کچھ تو تذکرة العابدین میں صفحہ ١٣٤ سے دئیے ہیں ۔ (باقی حا شیہ اگلے صفحہ پر)