ماہنامہ انوار مدینہ لاہور جولائی 2003 |
اكستان |
|
آپ ۖ نے فرمایا بھیڑیں پالا کرو کیونکہ یہ برکت کی چیز ہے۔ آپ ۖ کے پاس کچھ بکریاں بھی تھیں۔ ایک سفید مرغ پال رکھا تھا جو گھر ہی میں رہتا تھا۔ آپ ۖ نے فرمایا سفید مرغ پالا کرو جس گھر میں سفید مرغ ہوتاہے وہاں شیطان اور جادو قریب بھی نہیں آتا۔ (٦٣) آپ ۖ نے فرمایا مرغ کو برا نہ کہو کیونکہ وہ اذان دے کر نماز کے لئے جگاتا ہے۔(٦٤) آپ ۖ کو اپنی بیویوں کے بعد سب سے زیادہ جس چیز سے محبت تھی وہ گھوڑے تھے۔(٦٥) آپ ۖ نے فرمایا گھوڑا پالنا بہت اچھا کام ہے۔ اس لئے کہ گھوڑے کی پیشانی میں خیر و برکت ہوتی ہے۔ (٦٦) اسی طرح آپ ۖ نے فرمایا اونٹ پالنا عزت کا باعث ہے۔(٦٧) آپ ۖ کی محبت و شفقت ہی ہے جس کے سبب آپ ۖ نے حکم دیا سرسبزی کے زمانے میں دوران سفر سواری کو چرنے کا موقع دو اور قحط سالی کے زمانے میں سفر کو جلدی طے کرو تاکہ جانور کو بھوک پیاس کی تکلیف نہ ہو۔(٦٨) آپۖ نے حکم دیا کہ کوئی شخص کسی جانور کے بچے کو پکڑ کر اس کو تکلیف نہ پہنچائے۔(٦٩) فرمایا کسی جانور کو تکلیف نہ پہنچائو۔(٧٠) کسی جانور کو بے ضرورت قتل نہ کرو، ورنہ قیامت کے دن اس کے بارے میں بھی پوچھا جائے گا۔(٧١) جانور کو ذبح کرتے وقت چھری تیز رکھو تاکہ اسے تکلیف نہ پہنچے۔(٧٢) بلکہ چھری بھی جانور کے سامنے تیز نہ کرو۔(٧٣) جانوروں کے ساتھ حسن سلوک کرو۔(٧٤) فرمایا جب کوئی جانور خریدکر لائو تو اس کی پیشانی کے بال پکڑ کر یہ دعاء پڑھا کرو! اللّٰھُمَّ نِّیْ أسْئَلُکَ خَیْرَھَا وَخَیْرَ مَاجَبَلْتَھَا عَلیہ وأَعُوْذُ بِکَ من شَرِّھَا وَشَرِّمَا جَبَلْتَھَا علیہ ـ (٧٥) اے اللہ میں تجھ سے اس کی خیر طلب کرتا ہوں اور اس خیر کو طلب کرتا ہوں جس خیر پر تونے اسے پیدا کیا ہے اور میں اس کی برائی پر تیری پناہ طلب کرتا ہوں جس برائی پر تونے اسے پیدا کیا ہے۔ مشہور محدث صحابی کی کنیت ابوہریرہ (بلی کا باپ) آپ ۖ ہی کی دی ہوئی تھی۔ جسے آپ نے حرزجان بنالیا اور اسی نام سے شہرت پائی۔ (٧٦) سیرت حلبیہ (٧٧) اور ضیاء النبی (٧٨) میں آپ ۖ کی جانوروں بالخصوص گھوڑوں سے محبت کی متعدد روایات منقول ہیں لکھتے ہیں! حضور ۖ تمام جانوروں میںگھوڑوں سے زیادہ محبت کرتے تھے۔ ان کی عزت کرتے ان کی تعریف کرتے اور ان کے بارے میں وصیت فرماتے۔ حضور ۖ نے ان کی پیشانی اور دم کے بال کاٹنے سے منع فرمایا۔نعیم بن ابی ہند کہتے ہیں میں نے دیکھا حضور ۖ اپنی چادر سے گھوڑے کے منہ کو صاف کر رہے تھے۔ آپ سے سوال کیا گیا