مولانا کے لئے باعث اجرو صدقہ جاریہ رہیں گے۔(حیات شیخ الہند/۲۵۲)
تلامذہ
حضرت شیخ الہندؒکے علمی کمال ، فضل ومقام کا اندازہ حضرت کے تلامذہ سے کیا جاسکتا ہے ، ایک سے بڑھ کر ایک آفتاب و ماہتاب، حضرت نے بے شمار افراد کو اپنی تربیت و تعلیم سے کندن بنایا، آپ کے تلامذہ میں تمام علوم و فنون کے راسخ علماء شامل ہیں ، علم حدیث میں امتیاز و رسوخ رکھنے والے علماء کی ایک بڑی تعداد آپ سے تلمذ کا شرف حاصل کرچکی ہے، ان میں :
(۱) خاتم المحدثین امام العصر حضرت علامہ انور شاہ کشمیریؒ
(۲) حکیم الامت حضرت مولانا اشرف علی تھانویؒ
(۳) شیخ العرب و العجم حضرت مولاناسید حسین احمدمدنیؒ
(۴) شیخ الاسلام حضرت علامہ شبیر احمد عثمانیؒ
(۵)شیخ الحدیث حضرت مولانا سید فخر الدین احمد مرادآبادیؒ
(۶) مفتی اعظم حضرت مولانامفتی کفایت اللہ دہلویؒ
(۷) صدر المدرسین علامہ محمد ابراہیم بلیاویؒ
(۸) شیخ الادب حضرت مولانا اعزاز علی صاحبؒ
(۹) حضرت مولانا مناظر احسن گیلانیؒ
(۱۰) حضرت مولانا عبد الرحمن کیمل پوریؒ
وغیرہ سرفہرست ہیں ۔