تقریر ترمذی
یہ حضرت شیخ الہند کی جامع ترمذی کی درسی تقریروں کا مجموعہ ہے جو حضرت کے شاگرد حضرت مولانا سید اصغر حسین دیوبندیؒ کے قلم سے شائع ہوا تھا، یہ عربی تقریر ترمذی شریف کے مطبوعہ نسخوں کے ساتھ شائع ہورہی ہے ، پھراسے مستقل کتاب میں بھی طبع کیا گیا، بڑے سائزکے تقریباً۵۰؍ صفحات کو یہ مجموعہ محیط ہے ،اور انتہائی اختصار کے باوجود ترمذ ی کی مشکلات ومہمات کے حل کے لئے کافی شافی ہے، بطور خاص مسائلخلافیہ کو انتہائی جامعیت و اختصار کے ساتھ اس طرح مدلل ومبرہن کیاگیا ہے کہ تمام ذہنی خلجانات رفع ہوجاتے ہیں ، حضرت مولانا مدنیؒ کے بقول یہ تقریردل پذیر’’ کحل البصر‘‘ کا کام دیتی ہے ، اس تقریر کا اردوترجمہ بھی’’ الورد الشذی‘‘ کے نام سے طبع ہوا ہے ۔
تقریر بخاری
حضرت شیخ الہند کی صحیح بخاری کی کچھ درسی تقاریر جوآپ کے تلامذہ نے مرتب کی تھیں ، ان کا ایک مجموعہ’’ الفیض الجاری علی صحیح البخاری‘‘ کے نام سے طبع ہوا ہے ، یہ مجموعہ حضرت کے درسی امتیازات، اور اعلیٰ محدثانہ ذوق کا آئینہ دار ہے ۔
ان عظیم علمی تصانیف کے علاوہ:
’’ صحاح اربعہ بخاری ،مسلم ،ترمذی، ابواؤدخصوصاً ترمذی وبخاری کے متعلق حضرت مولانا کی اثناء درس میں فرمائی ہوئی تقریر، جو صدہا طلبہ نے ضبط کی ہیں اور نقل در نقل ہو کر ان کے ہزارہا قلمی نسخے ہوگئے ہیں ، جن میں مضامین علمیہ، تحقیقات احادیث اورتفصیل مذاہب اور ترجیح مذہب ابی حنیفہ بطرز محققانہ بکمال شرح وبسط مذکور ہیں ، تصانیف سے بھی زیادہ حضرت
