ماہنامہ انوار مدینہ لاہور اکتوبر 2017 |
اكستان |
 |
اعتدال پر رکھنے سے اس میں کجی نہ آنے پائے گی تو اُس وقت بے شک اس میں تجلیاتِ باری تعالیٰ کا انعکاس (عکس) ہوگا۔عادات ِمحمدیہ کے اتباع میں منفعت دینیہ کی حکمتیں اور اسرار : اعتدال کے معنی یہ ہیں کہ ہر چیز کو اُس کے موقع پر رکھا جائے مثلاً چار سمت میں سے ایک سمت یعنی قبلہ کو اللہ تعالیٰ نے عزت بخشی ہے اس لیے تمام نیک کاموں میں خواہ ذکر الٰہی ہو یا تلاوت قرآن اور وضوہو یا دعا میںقبلہ کی جانب منہ کیا جائے اور جو افعال گھنیانے کے قابل ہوں مثلاً قضائے حاجت یعنی بول و براز(پیشاب یا پاخانہ)اور جماع (ہم بستری)میں ستر کھولنا وغیرہ اُس وقت اس جانب سے رخ پھیر لیا جائے ایسا کرنا چونکہ سمت قبلہ کی عزت کا قائم رکھنا ہے لہٰذا یہی اعتدال ہے یا مثلاً اللہ تعالیٰ نے داہنی جانب کو بائیں جانب پر شرف بخشا ہے اس لیے تم کو بھی اس کے شرف کا ہر وقت خیال رکھنا چاہیے کہ اگر اچھے کام کرے مثلاً کلام مجید اُٹھانا یاروٹی کھانی ہو تو داہنا ہاتھ اور میلے کام مثلاً استنجا کرنا، ناک سنکنا یا بضرورت کسی ناپاک چیز کو ہاتھ لگانا ہو تو بایاں ہاتھ آگے بڑھائو، کپڑا پہنو تو اوّل دائیں طرف سے ،جوتا پہنو تواوّل داہنے پائوں میں پہنو، مسجد میں جائو تو اوّل داہنا پائوں رکھو اور اور جب باہر نکلو تو اوّل بایاں پائوں نکالو، الغرض ہر شے کے مرتبے کا خیال رکھنا عدل اور انصاف کہلاتا ہے اور اِس ظاہری اعتدال سے قلب بھی معتدل اور مستوی ہوجائے گا۔ اگر یہ وجہ تمہاری سمجھ میں نہیں آتی ہے توتجربہ کر کے دیکھو اور اس کا تو تم نے بھی تجربہ کیا ہو گا کہ جولوگ سچ بولنے کے خوگر (عادی)ہوتے ہیں اُن کے خواب بھی اکثر سچے ہوتے ہیں اور جو لوگ جھوٹ بولتے ہیں اُن کی خوابیں بھی زیادہ تر جھوٹی ہوتی ہیں کیونکہ راست گوئی سے قلب میں اعتدال اور درستی و استقامت آجاتی ہے اور دروغ گوئی سے اِس میں کجی پیدا ہوجاتی ہے۔ دیکھو چونکہ شاعراکثر جھوٹے اور لغو تخیلات کے عادی ہوجاتے ہیں اس لیے ان کے قلب میں کجی پیدا ہو جاتی ہے لہٰذا جہاں تک ہوسکے قلب میں جھوٹے خیالات کو جگہ نہ دو ورنہ دل کااعتدال ہاتھ سے جاتا رہے گا۔