ماہنامہ انوار مدینہ لاہور اکتوبر 2017 |
اكستان |
|
بسم اللہ الرحمن الرحیمحرف آغاز سید محمود میاںنَحْمَدُہ وَنُصَلِّیْ عَلٰی رَسُوْلِہِ الْکَرِیْمِ اَمَّا بَعْدُ ! مذہب سے وابستگی مذہبی تعلیم کے بغیر ناممکن ہوتی ہے اور جب مذہب سے رشتہ قوی نہ رہے تو قوم و وطن اپنا تشخص بر قرار نہیں رکھ سکتے انسان کی حقیقی ترقی اُس کے مذہب کی سچائی سے وابستہ ہے مذہب سچا ہو تو اس سے مضبوط تعلق انسان کو بھی مضبوط کر دیتا ہے۔ بغیر کسی سرکاری اعانت کے اس اہم اور بنیادی خدمت کو ہمارے ملک میں دینی مدارس روزِ اوّل سے انتہائی استقامت کے ساتھ انجام دے رہے ہیں قوم کے بچے بچیاں قرآن و حدیث کے زیور سے آراستہ ہو کر اگلی نسلوں کو بھی علم کی روشنی سے منور کر رہے ہیں۔ روشنی کا یہ سفر عالمِ کفر کو ایک آنکھ نہیں بھاتا اُن کی ہمیشہ سے یہی آرزو رہی ہے کہ اللہ کے نور کو بجھا دیا جائے کفار کے اس شیطانی عمل میںنام نہاد مسلمانوں کی منافق جماعتیں بھی بڑے زور شور سے اپنے حصہ کا کام انجام دیتی ہیں ،سچ تو یہ ہے کہ عالمِ اسلام کو اندر کے منافقین نے ہی ہمیشہ زیادہ بڑا نقصان پہنچایا ہے ان ہی کی مدد سے عالمِ کفر اسلام کے تعلیمی نظام کو بری طرح سے مجروح کرنے میں کامیاب ہوا ہے اسکولوں اور کالجوں کے نصاب سے اسلامی عقائد و اعمال کی تعلیم کو نکال کر ہماری نسلوں کو بے راہ روی اور فحاشی میں مبتلا کردیا ہے کفار اورمنافقین کی اس عالمی یلغار کے سامنے دینی مدارس اور مذہبی جماعتیں اپنی بے سروسامانی کے باوجود سینہ سپر ہو کر مسلمانوں کو اللہ کے نور سے جوڑ ے ہوئے ہیں