ماہنامہ انوار مدینہ لاہور اکتوبر 2017 |
اكستان |
 |
سلسلہ تقاریر نمبر٩
قسط : ١
''خانقاہِ حامدیہ'' کی جانب سے اَنوارِ مدینہ میں شیخ الاسلام حضرت اقدس مولانا سیّد حسین احمد مد نی قدس سرہ العزیز کی تقاریر شائع کرنے کا اہتمام کیا جا رہا ہے حضرتکے متوسلین و خدام سے اِلتماس ہے کہ اگر اُن کے پاس حضرت کی تقاریر ہوں تواِدارہ کو اِرسال فرما کر عندالناس مشکور اور عنداللہ ماجور ہوں۔(اِدارہ)
سیرت ِ پاک کا اِزدواجی پہلو اور مسئلہ کثرت ِ ازدواج
( شیخ الاسلام حضرت مولانا سیّد حسین احمد صاحب مدنی )
نَحْمَدُہ وَنُصَلِّی عَلٰی رَسُوْلِہِ الْکَرِیْمِ وَعَلٰی اٰلِہ وَاَصْحَابِہ اَجْمَعِیْنِ اَمَّا بَعْدُ !
مسئلہ تعددِ ازواج حضرت سرورِ کائنات علیہ الصلٰوة والسلام کی نسبت بہت سے ظاہر بینوں اور متعصب مخالفین ِاسلام کے خیالات بہت زیادہ سخت ہیں ان لوگوں کے درشت کلمات اور بلا حقیقت شبہات سے بہت سے سادہ لوح مسلمان بھی پریشان ہو کر طرح طرح کے اوہام اور شکوک میں پڑ جاتے ہیں اس لیے ہم بطور ِاختصار کچھ عرض کرنا چاہتے ہیں جس سے بخوبی عیاں ہوجائے گا کہ آنحضرت علیہ السلام نے کس طرح سخت سے سخت نفس کشی اس بارے میں فرمائی اور اس امر میں وہ بھاری اور ثقیل زہد اختصار فرمایا جس کی نظیر مشکل ہے ،پادریوں اور عیسائی تعلیم سے متاثر ہونے والوں نے اس اعتراض کو بہت زیادہ اُتار چڑھاؤ کے ساتھ اہمیت دی ہے اور ان ہی کی تقلید میں آریہ ١ حضرات بھی خامہ فرسائی ٢ کرتے رہتے ہیں مگر ہم اس مختصر عرض میں بائبل کے حصہ قدیم (عہد عتیق) کی طرف متوجہ کرانا مناسب نہیں سمجھتے ہیں اور نہ حضرت داؤد علیہ السلام کی سو بیویوں اور حضرت سلیمان علیہ السلام کی ہزار محل سرائوں ٣ حضرت ابراہیم علیہ السلام کی آٹھ ہمدموں، حضرت یعقوب علیہ السلام وغیرہ ابنیاء
------------------------------
١ پنڈت دیانند سرسوتی کی پیرو جماعت ٢ تحریر کرنا ٣ باشاہوں اور راجائوں کا زنان خانہ