ہم جنس پرستی کی تباہ کاریاں اور ان کا علاج |
ہم نوٹ : |
|
اس وعظ کا تعارف گناہ کرنے والا شخص بے وقوف ہو تا ہے کیوں کہ اگر اس میں عقل ہو تی توسب سے بڑی طاقت اللہ تعالیٰ کو ناراض نہ کرتا۔محض عارضی لذت حاصل کرنے کے لیے بڑی طاقت کو ناراض کر نا عقل مندی کا کام نہیں ہے۔ آج لوگوں کو نیک اعمال کا تو کسی حد تک علم ہے لیکن چند بڑے گناہ چھوڑ کر باقی گناہوں کا کچھ علم نہیں۔اسی لیے اللہ والوں کی صحبت اختیار کی جاتی ہے کہ ان کے پاس بیٹھ کر نہ صرف گناہوں کا علم ہوتا ہے بلکہ ان سے بچنے کے طریقے بھی پتا چلتے ہیں۔ شیخ العرب والعجم عارف باللہ مجددِزمانہ حضرت اقدس مولانا شاہ حکیم محمد اختر صاحب رحمۃ اللہ علیہ نے اپنے وعظ ’’ہم جنس پرستی کی تباہ کاریاں اور ان کا علاج‘‘ میں جہاں معاشرے میں بڑھتے ہوئے اس شرم ناک گناہ سے ہونے والے اثرات بد کو بیان کیا ہے وہیں اس کا علاج اور سد باب کے نسخے بھی تجویز فرمائے ہیں۔ حضرت اقدس نے اس فعل بد میں ملوث قوم لوط پر ہونے والے عذاب سے اس فعل کی خباثت واضح فرماتے ہوئے امت کو مختلف مثالوں سے درد بھرے انداز میں اخلاص کے ساتھ اس فعل سے بچنے کے جو طریقے بتائے ہیں وہ حضرت اقدس ہی کا خاصّہ ہے۔ حضرت اقدس کے اس فعل کی خباثت کھل کر واضح کرنے کے سبب ہزاروں لوگ اس کے عذاب سے آگاہ ہوکر تائب ہوئے اور پاکیزہ اور باعزت زندگی بسر کرنے لگے ہیں۔