قرب الہی کی منزلیں |
ہم نوٹ : |
 |
جاکر حصہ لگوائیے، کیوں کہ آپ کے بغیر یہاں خانقاہ میں سنّاٹا ہوتا ہے۔ حضور صلی اﷲ تعالیٰ علیہ وسلم نے اٹھارہ جنگیں لڑی ہیں تو بتاؤ جنگیں گھر بیٹھ کر لڑی جاتی ہیں؟ کیا آپ نے سفر نہیں فرمایا؟ اگر کوئی عورت اپنے شوہر سے کہے کہ تمہار ے نہ رہنے سے مجھے گھبراہٹ ہوتی ہے، اختلاج ہوتا ہے، آملے کامربہ اور موتی کا خمیرہ کھانا پڑتا ہے، ڈراؤنے خواب نظر آتے ہیں لیکن اگر شوہر کہے کہ مجھے دبئی میں شاہ نے بلوایا ہے اپنی بیٹی کے زیورات ہم سے بنوانے کے لیے اور پچاس لاکھ روپیہ ایک ہفتہ میں نفع ملے گا اور میں ایک کروڑ روپیہ لے کر آؤں گا تو اب وہی بیوی کہے گی کہ دیر کیوں کررہے ہو، جلدی کیوں نہیں جاتے؟ آخر میں دھمکی دیتی ہے کہ نہیں جاؤ گے تو دھکے دے دوں گی، جلدی جاؤ۔ شوہر نے کہا کہ تم کو میرے بغیر ڈراؤنے خواب نظر نہیں آئیں گے؟ تو کہا بالکل نہیں۔ شوہر نے پھر پوچھا کہ اور میرے بغیر گھبراہٹ بھی نہیں ہوگی؟ کہا ایک کروڑ لاؤ گے اب گھبراہٹ کہاں؟ ابھی سے خوشیاں شروع ہوگئیں۔تو اﷲ تعالیٰ کی محبت میں بھی اپنے شوہروں کو خود بھیجو، جتنا وہ اﷲ والا بنیں گے اتنا ہی زیادہ تم کو پیار کریں گے۔ تفسیر روح المعانی میں لکھا ہے کہ جن دو بچوں کی اﷲ پاک نے حضرت خضر علیہ السلام سے دیوار سیدھی کروادی اور اﷲ تعالیٰ نے فرمایا کَانَ اَبُوۡہُمَا صَالِحًا 19؎ تو اس سے ساتواں باپ مراد ہے۔20؎ اگر ایک شخص اﷲ والا ہوجائے تو ساتویں پشت تک اولاد پر اﷲ رحمت ناز ل کرتا ہے۔ بزرگوں نے فرمایا کہ اولاد کے لیے زیادہ کمانے کی فکر نہ کرو، بس نیک بنانے کی کوشش کرو، اگر نیک بن جائیں گے تو اﷲ تعالیٰ خود ان کا کفیل اور ذمہ دار ہوگا اور اگر بُرے ہوں گے تو تمہارا مال گناہ میں استعمال کر کے تمہیں اور پکڑوادیں گے۔ لیکن پھر بھی میں بشری کمزوریوں کی رعایت کرتا ہوں کہ اگر کسی کی بیوی کو زیادہ گھبراہٹ ہو، عرقِ بیدِ مشک اور خمیرہ چاٹنے کی نوبت آجائے تو میری طرف سے اجازت ہے، لیکن میں خواتین سے کہتا ہوں کہ اپنی سات پشت تک کی اولاد پر رحم کرو، اپنے شوہر کو اﷲ والا بنانے کی کوشش کرو۔ _____________________________________________ 19؎الکہف:82 20؎روح المعانی:16/13،الکھف(82)،داراحیاءالتراث، بیروت