قرب الہی کی منزلیں |
ہم نوٹ : |
 |
شیطان کے دھوکے میں مت آؤ، جو تاجر اچھا مال دکھا کر خراب مال پیش کردے اس تاجر سے دوبارہ کوئی مال نہیں خریدتا۔ شیطان حسینوں کی آنکھ اور حسینوں کے گال دکھا کر پاخانے کے مقام پر دھکیلتا ہے، مال کیسا دکھایا اور پہنچایا کہاں پر؟ حسین شکل دکھا کر پیشاب اور پاخانے کے غلیظ مقام پر پہنچا دیا، بتایئے شیطان دھوکے باز تاجر ہے کہ نہیں؟ پھر اس سے سودا کیوں خریدتے ہو؟ اللہ اور رسول اللہ صلی اللہ علیہ وسلم کے ارشادات کو کیوں بھول جاتے ہو؟ نظر کی حفاظت کرو، چاہے جان چلی جائے۔ نظر کی حفاظت کرنے پر آج اختر یہ اعلان کرتا ہے اور واللہ کہتا ہے، خدا کی قسم کھا کر کہتا ہے کہ نظر بچانے پر اگر جان بھی چلی جائے تو جان دے دو مگر اللہ کو ناراض نہ کرو، ان شاء اللہ آپ کو اللہ ضرور مل جائے گا۔ اور اگر آپ نے اللہ کو چھوڑا اور ان مرنے والوں پہ مرے، تو دنیا اور آخرت دونوں جہاں میں بربادی ہوگی۔ ویسے بھی نظر بازی حماقت کا گناہ ہے، ذرا نظر بازوں سے پوچھو کہ تم کو نظر بازی سے آج تک کیا ملا؟ حکیم الامت رحمۃاللہ علیہ فرماتے ہیں کہ جو انٹرنیشنل گدھا ہوتا ہے، بین الاقوامی بے وقوف ہوتا ہے وہی حسینوں کو دیکھتا ہے، لیکن دیکھنے سے کیا پاجاتا ہے؟ جو چیز نہ ملنے والی ہو اس کو دیکھ دیکھ کر اپنے دل کو تڑپانا نادانی نہیں ہے؟ بس اپنی حلال کی بیوی پر راضی رہو۔ جنت میں مسلمان عورتوں کی شانِ حُسن جب مسلمان عورتیں جنت میں جائیں گی تو حوروں سے زیادہ حسین کر دی جائیں گی۔ تفسیر روح المعانی میں علّامہ آلوسی سیّد محمود بغدادی رحمۃ اللہ علیہ نے لکھا ہے کہ ام المومنین حضرت امِ سلمہ رضی اللہ تعالیٰ عنہا نے پوچھا کہ یا رسول اللہ (صلی اللہ علیہ وسلم)! جنت میں حوریں زیادہ حسین ہوں گی یا مسلمان بیویاں؟ توآپ صلی اللہ علیہ وسلم نے فرمایا کہ مسلمان بیویاں جنت میں حوروں سے زیادہ خوبصورت کر دی جائیں گی۔ ام المومنین نے عرض کیا کہ بِمَ ذَاکَ انہیں یہ فضیلت کیوں ملے گی؟ حضور صلی اللہ علیہ وسلم نے ارشاد فرمایا: بِصَلَا تِھِنَّ وَ صِیَامِہِنَّ وَ عِبَادَتِہِنَّ اَلْبَسَ اللہُ وُجُوْہَہُنَّ النُّوْرَ 7؎ _____________________________________________ 7؎روح المعانی: 126/27،داراحیاء التراث، بیروت