قرب الہی کی منزلیں |
ہم نوٹ : |
|
دکھاتا ہے،حتیٰ کہ داڑھی والے لڑکوں کو بھی نہیں چھوڑتا، آج کل ان کے عشق میں بھی لوگ مبتلا ہیں۔ مولانا رومی کے زمانے میں تو یہ بات تھی کہ جس کے دو تین بال بھی آجاتے تھے اس کی طرف رغبت نہیں ہوتی تھی، لیکن آج پانچ پانچ سو بال بلکہ ہزار ہزار بالوں کے باوجود بھی لوگ ان کے عشق میں مبتلا ہورہے ہیں۔ ایسے لوگ مجھے خط لکھ رہے ہیں کہ میرے معشوق کی داڑھی اتنی بڑی ہے، مگر اس میں اتنا نمک ہے کہ میں روحانی ہائی بلڈ پریشر میں مبتلا ہوگیا ہوں۔ روحانی بلڈ پریشر اگر ڈاکٹر کہتا ہے کہ تم کو ہائی بلڈ پریشر ہے، تم نمک مت کھاؤ، تو نمک چھوڑ دیتے ہیں لیکن خدا اور رسول صلی اللہ تعالیٰ علیہ وسلم فرماتے ہیں کہ جن میں نمک ہو ان کو مت دیکھو ورنہ تم کو روحانی ہائی بلڈ پریشر ہو جائے گا تو اس کی کچھ پروا نہیں کرتے۔ (نہایت درد بھرے لہجہ میں فرمایا کہ) آہ! جان کی پروا ہے ایمان کی پروا نہیں ہے۔ اس پر میرے دو شعر ہیں، جس کو جسمانی بلڈ پریشر ہو ایک شعر اس کے لیے بنایا ہے اور جس کو روحانی بلڈ پریشر ہو اس کے لیے دوسرا بنایا ہے۔ ایک ڈاکٹر میرے مرید ہیں، میرے خلیفہ بھی ہیں، جسمانی بلڈ پریشر والا شعر انہوں نے اپنے مطب میں لکھ کر ٹانگ لیا ہے، وہ شعر ہے ؎جس غذا میں بھی ہو نمک شامل واجبُ الاحتیاط ہوتی ہے کیاہائی بلڈ پریشر والے نمک کھاتے ہیں؟ ڈاکٹر منع کرتا ہے کہ نمک مت کھاؤ، ورنہ بلڈ پریشر ہائی ہو جائے گا، فالج ہو جائے گا،برین ہیمرج ہو جائے گا، دماغ کی رگ پھٹ جائے گی،بے ہوش ہو جاؤگے، ختم ہو جاؤ گے۔ اور روحانی ہائی بلڈپریشر کیسے تیز ہوتا ہے ؎جن کی صورت میں ہو نمک شامل واجبُ الاحتیاط ہوتی ہے دل کے سمندر میں طغیانی کب آتی ہے؟ دیکھو! جس دن چودہ تاریخ کا چاند ہوتا ہے اس دن اس کا ردعمل یعنی ری ایکشن زمین