ماہنامہ انوار مدینہ لاہور فروری 2015 |
اكستان |
 |
درس حدیث حضرت اَقدس پیر و مرشد مولانا سیّد حامد میاں صاحب کے مجلسِ ذکر کے بعد درسِ حدیث کا سلسلہ وار بیان ''خانقاہِ حامدیہ چشتیہ'' رائیونڈ روڈ لاہور کے زیرِاِنتظام ماہنامہ'' اَنوارِ مدینہ'' کے ذریعہ ہر ماہ حضرت اقدس کے مریدین اور عام مسلمانوں تک با قاعدہ پہنچایا جاتا ہے، اَللہ تعالیٰ حضرتِ اَقدس کے اِس فیض کو تا قیا مت جاری و مقبول فرمائے۔ (آمین) نبیوں کے جنات مسلمان ہوجاتے ہیں۔اِبلیس ِ اَوّل کی نسل میں بھی مسلمان ہیں وسوسوں کا علاج ( تخریج و تزئین : مولانا سیّد محمود میاں صاحب ) (کیسٹ نمبر83 سائیڈA 17 - 01 - 1988 ) اَلْحَمْدُ لِلّٰہِ رَبِّ الْعَالَمِیْنَ وَالصَّلٰوةُ وَالسَّلَامُ عَلٰی خَیْرِ خَلْقِہ سَیِّدِنَا وَمَوْلَانَا مُحَمَّدٍ وَّاٰلِہ وَاَصْحَابِہ اَجْمَعِیْنَ اَمَّا بَعْدُ ! آقائے نامدار ۖ نے اِرشاد فرمایا مَامِنْکُمْ مِّنْ اَحَدٍ اِلَّا وَقَدْ وُکِّلَ بِہ قَرِیْنُہ مِنَ الْجِنِّ وَقَرِیْنُہ مِنَ الْملٰئِکَةِ کوئی آدمی ایسا نہیں ہے کہ جس کے ساتھ اللہ تعالیٰ نے ایک ساتھی ساتھ رہنے والا ہر وقت'' جن'' کی نسل میں سے اور ایک'' فرشتہ'' مقرر نہ فرما رکھا ہو توہر اِنسان کے ساتھ شیطان بھی ہوتا ہے اور ایک فرشتہ بھی ہوتا ہے ،ویسے تو بہت فرشتے ہوتے ہیں جسم پر اور جسم کے جوڑوں پر مامور وغیرہ وغیرہ کوئی اَنداز نہیں اُن کی تعداد کا اللہ تعالیٰ ہی جان سکتے ہیں ۔اِسی طرح ایک شیطان بھی ساتھ ساتھ رہتا ہے جیسے وہ ساتھ ویسے ہی یہ ساتھ، یہ قرین جنات میں سے ہے نسل ِ جن( سے ہے، فرشتہ نیکی کی بات دِل میں ڈالتا ہے شیطان برائی کی ،اِسی وجہ سے اِنسان بعض اَوقات متردّد ہوتا ہے)اور یہ کیفیات جو دِل میں پاتے ہو اُس کی وجہ یہ ہوتی ہے اَصل میں، اَنبیائے کرام کو تو دونوں چیزیں نظر آتی تھیں فرشتے بھی نظر آتے تھے جن بھی نظر آتے تھے ۔صحابہ کرام نے دریافت کیا کہ جب یہ بات ہے تو جناب کے ساتھ بھی یہ ہوگا تو آقائے نامدار ۖ نے فرمایا وَاِیَّایَ میرے ساتھ بھی ہے