ماہنامہ انوار مدینہ لاہور فروری 2015 |
اكستان |
 |
وَلٰکِنَّ اللّٰہَ اَعَانَنِیْ عَلَیْہِ فَاَسْلَمَ ١ لیکن اللہ نے میری مدد فرمائی ہے اُس کے مقابلے میں اُس کے شر کے مقابلے میں تو وہ مسلمان ہو گیا ہے تو خاص شیطان کی نسل میں بھی ایک مسلمان ہے ،حدیث شریف میں ویسے بھی آتا ہے کہ رسول اللہ ۖ ایک دِن باہر تشریف لے گئے صحابہ کرام بھی تھے کھلی جگہ تھی میدان جیسے ہو وہاں آپ نے ایک شخص کو آتے ہوئے دیکھا تو دُور سے ہی فرمایا کہ مِشْیَةُ جِنِّیٍّ یہ چال جو ہے یہ جنی چال ہے جِن جیسی چال ہے ،وہ قریب آ گیا اُس نے سلام کیا ! بات کی تو رسول اللہ ۖ نے اُس سے دریافت کیا کہ تو کون ہے ؟ شیطان ہے ! تو اُس نے اِقرار کیا لیکن اُس نے کہا کہ میں مسلمان ہوں میں آپ پر اِیمان رکھتا ہوں تو اُسی اِبلیس کی نسل سے تھا جیسے آدم علیہ السلام کی نسل چلی ویسے اُس کی خاص نسل بھی اِسی قدر چلتی ہے جتنی اِنسان کی، یہ ساتھ لگا ہی ہوا ہے تو تھا وہ اِبلیسِ اَوّل کی قریبی اَولاد یا اُس کے خاص بیٹیوں میں سے ہو گا تو اُس نے کہا کہ میں نے فلاں نبی کو بھی دیکھا فلاں کو بھی اور فلاں سے بھی مِلا ہوں اور اُنہوں نے یہ پیغام دیا تھا جناب کے لیے وہ پیغام بھی پہنچایا اُس نے اور رسول اللہ ۖ نے اُس کی سب باتوں کی تصدیق فرمائی تو اُن میں بھی اللہ تعالیٰ نے مستثنیٰ رکھے ہیں ۔ اِسی طرح اَنبیائے کرام، اللہ تعالیٰ نے اُن کے ساتھ جو یہ لگائے ہیں شیطان ،تو پیدا تو وہ ہو گئے لیکن کفر پہ نہیں رہے مسلمان ہوگئے۔ اِسی طرح سے سننے میں آیا ہے کہ مجذوب جوہو تے ہیں حقیقی معنی میں جو مجذوب ہوں اُن کے ساتھ بھی یہ شیطان ہوتے ہیں یہ بھی مسلمان ہوتے ہیں تو اُنہیں وسوسے نہیں آتے اور کوئی چیز ایسی نہیں پیدا ہوتی، ورنہ وسوسے آتے ہیں ۔ تو رسول اللہ ۖ نے وسوسے آنے کے لیے فرمایا ہے کہ مثلاً پیدائش کے بارے میں وسوسہ آتا ہے شیطان دِل میں ڈالتا ہے اِسے کس نے پیدا کیا تو اِسے کس نے پیدا کیا تو اُسے کس نے پیدا کیا اللہ تعالیٰ تک پہنچ جاتا ہے کہ اللہ تعالیٰ نے پیدا کیا پھر دماغ میں یہ وسوسہ ڈالتا ہے وہ کہ اللہ کوکس نے پیدا کیا تو آقائے نامدار ۖ نے اِس کا علاج بتایا کہ اَعُوْذُ بِاللّٰہْ پڑھ لے اور رُک جائے اپنے ذہن کو اُدھر کے بجائے کسی اور طرف لگالے ۔ ١ مشکوة شریف کتاب الایمان رقم الحدیث ٦٧