ماہنامہ انوار مدینہ لاہور فروری 2015 |
اكستان |
 |
جاسکے گا۔'' ایک اور حدیث میں حضور ۖ نے فرمایا : ''تکبر سے بچو، تکبر ہی وہ گناہ ہے جس نے سب سے پہلے شیطان کوتباہ کیا۔'' اللہ تعالیٰ ہم سب کو اِس شیطانی خصلت سے بچائے اور وہ عاجزی اور خاکساری نصیب فرمائے جو اُس کو پسند ہے اور جو بندگی کی شان ہے ۔ لیکن یہاں ہم کو یہ بھی یاد رکھنا چاہیے کہ ہماری عاجزی اور خاکساری اپنے نفس اور اپنی ذات کے معاملہ میں ہونی چاہیے مگرحق کے معاملہ میں اور دین کے بارے میں ہمیں قوت و پختگی کا ثبوت دینا چاہیے۔ اِس موقع کے لیے اللہ کا اور اللہ کے رسول ۖ کا حکم یہی ہے ۔ اَلغرض مومن کی شان یہی ہے کہ وہ اپنے نفس اور اپنی ذات کو حقیر اور نیچا سمجھے اور حق پر مضبوطی سے قائم رہے اور کسی کے ڈر خوف سے اُس میں کمزوری نہ دِکھائے۔ صبرو شجاعت : اِس دُنیا میں آدمیوں پرمصیبتوں اور مشقتوں کے وقت بھی آتے ہیں، کبھی بیماری آتی ہے، کبھی محتاجی اور ناداری کی صورت ہوجاتی ہے، کبھی ظالم دُشمن ستاتے ہیں، کبھی دُوسرے طور پرحالات ناموافق ہوجاتے ہیں، پس ایسے موقعوں کے لیے اِسلام کی خاص تعلیم یہ ہے کہ اللہ کے بندے صبر اور ہمت سے کام لیں اور ہزار تکلیفوں اور مصیبتوں کے باوجود مضبوطی اور بہادری کے ساتھ اپنے اُصول پر قائم رہیں ایسے لوگوں کے لیے قرآ ن شریف کی خوشخبری ہے کہ وہ اللہ کے پیارے ہیں ( وَاللّٰہُ یُحِبُّ الصّٰبِرِیْنَ ) ''اور اللہ تعالیٰ صبر والوں سے محبت رکھتاہے ۔'' دُوسری آیت مبارکہ میں ہے ( اِنَّ اللّٰہَ مَعَ الصّٰبِرِیْنَ) '' اللہ یقینا صبر والوں کے ساتھ ہے۔ '' ایک اور آیت میں اُن اِیمان والوں کی بڑی تعریف کی گئی ہے جو تکلیف اور مشقت کی حالت میں اور حق کے لیے جنگ میں ثابت قدم رہیں اور قربانی سے نہ بھاگیں۔ ( وَالصَّابِرِیْنَ فِی الْبَأْسَآئِ وَالضَّرَّآئِ وَحِیْنَ الْبَأْسِ ط اُولٰئِکَ الَّذِیْنَ صَدَقُوْا