ماہنامہ انوار مدینہ لاہور دسمبر 2013 |
اكستان |
 |
یہ اَمر بھی ملحوظِ خاطر رہنا چاہیے کہ حصولِ مقصد کے لیے موقع ومحل کے اِعتبار سے صحیح تدبیر اِختیار کرنا لازمی اَمر ہے۔ جنگ ِبدر کے موقع پر حضورِ اکرم ۖ نے جنگی تیاری بھی کی اور دُعا بھی مانگی اِس طرح ہر مسلمان کے لیے زندگی کے مسائل کوحل کرنے کے لیے اِن دونوں باتوں پر عمل کرنا ضروری ہے۔ اِس زمانے میں خواتین اورمرد سب ہی تعویذ گنڈوں کے چکر میں ہزاروں روپے لوگوں کودیتے ہیں اور کچھ حاصل نہیں ہوتا۔ پیر فقیر یہ کہہ کر چھوٹ جاتے ہیں کہ ہم نے توڑ کیا تھا، اُس نے پھر جادُو کردیا اِس طرح ساری عمراوروقت بھی ضائع کرتے اور رقم بھی برباد کرتے ہیں۔یہ نتیجہ رسول اللہ ۖ کی اُن تعلیمات اور موقع ومحل کی دُعا اورذکر سے گریز کا ہے جوبنی نوع اِنسان کی گوناگوں پریشانیوں سے نجات کے لیے اِس مجموعہ میں موجود ہیں۔ اِن اَذکار اور دُعاؤں سے اِنشاء اللہ پریشانیوں سے نجات بھی حاصل ہوگی اور اَجر وثواب بھی ملے گا اور اِنسان کا اللہ تعالی سے بندگی کا رشتہ بھی بندھا رہے گا بلکہ تعلق ورشتہ مضبوط سے مضبوط تر ہوتا رہے گا اور اِیمان پرخاتمہ نصیب ہوگا مسلمان کی یہی سب سے بڑی آرزو اورکامیابی ہے۔