ذکر اللہ اور اطمینان قلب |
ہم نوٹ : |
 |
واٹر پروف گھڑی بناسکتے ہیں تو اللہ تعالیٰ اپنے عاشقوں کے دل کو غم پروف رکھ سکتے ہیں، ہزاروں غم ہوں گے لیکن دل میں غم نہیں گھسے گا ان شاء اللہ تعالیٰ۔ آنکھوں سے آنسو بہہ رہے ہیں لیکن اللہ تعالیٰ کی رحمت کا سایہ ان کے غم کو بھی لذیذ کردیتا ہے جیسے شامی کباب مرچی والا کھاکر رو رہا ہے یا نہیں؟ لیکن ذرا اس سے پوچھو کہ بھائی آپ شامی کباب کھاتے وقت کیوں رورہے ہیں؟ اگر آپ کو تکلیف ہے تو یہ کباب ہم کو دے دیجیے۔ تو وہ کیا کہے گا ارے بے وقوف یہ آنسو مزے کے ہیں، تکلیف کے نہیں ہیں تو اللہ والا روتا ہوا بھی نظر آئے تو اس سے پوچھو کہ تسلیم ورضا کی لذت سے اس کے قلب کا کیا عالم ہے؟ غم میں چین کیسے؟ اب آپ کہیں گے کہ غم وپریشانی میں کیسے چین ملے گا؟ اس پر میرا ایک شعر اس کی تعبیر کرتا ہے ؎ صدمہ و غم میں مرے دل کے تبسم کی مثال اس سے پہلے میرا ایک اور شعر سن لیجیے ؎ زندگی پُرکیف پائی گرچہ دل پُر غم رہا ان کےغم کے فیض سے میں غم میں بھی بےغم رہا اور علامہ سید سلیمان ندوی رحمۃ اللہ علیہ فرماتے ہیں ؎ ترے غم کی جو مجھ کو دولت ملے غم دو جہاں سے فراغت ملے اے خدا! اگر تیرے غم کا ایک ذرہ مل جائے تو دونوں جہاں کے غم سے ان شاء اللہ نجات مل جائے گی۔ اللہ کی محبت کے درد کا ایک ذرہ اتنا قیمتی ہے کہ آسمان وزمین، سورج وچاند، وزارتِ عظمیٰ کی کرسیاں، بادشاہوں کے تخت وتاج اس کی قیمت ادا نہیں کرسکتے۔ اللہ کی محبت کا درد معمولی چیز ہے؟ اب دوسری مثال سنیے۔ بعض لوگ کہتے ہیں کہ صدمہ وغم میں خوشی کس طرح حاصل ہوگی؟ اس کی دوسری تعبیر سنیے ؎