ذکر اللہ اور اطمینان قلب |
ہم نوٹ : |
 |
گدھا سانس لیتا رہے اور نہ مرے تو نمک نہیں بنے گا، مگر مٹانا بھی اللہ والوں کی صحبت میں رہنے ہی سے نصیب ہوگا۔ شیخ مضبوط ہو مولانا شاہ ابرار الحق صاحب دامت برکاتہم فرماتے ہیں کہ چائے میں چینی خود مٹتی ہے یا مٹانا پڑتا ہے؟ مٹانا پڑتا ہے۔ اچھا مرغی کے پر سے مٹاؤ تو مٹ جائے گی؟ نہیں! اور موم بتی سے مٹاؤگےتوموم بتی خود پگھل جائے گی۔ لہٰذا مٹانے والا شیخ تگڑا ہونا چاہیے۔ قوی النسبت ہو، صاحب نسبت ہو، لوہے کا چمچہ ہو جو کھڑکھڑ کرکے گھول دے۔ شیخ کو ڈانٹ ڈپٹ بھی کرنی چاہیے، جب چینی گھل جاتی ہے پھر پینے میں مزا آتا ہے یا نہیں؟ ایسے ہی جب نفس مٹ جاتا ہے تب اللہ کی محبت کا مزا آتا ہے۔ شیخ عبدالقادر جیلانی رحمۃ اللہ علیہ کا ملفوظ بڑے شیخ عبدالقادر جیلانی رحمۃ اللہ علیہ فرماتے ہیں اے مولوی حضرات! اے علماء حضرات! مدرسوں سے نکل کر فوراً مسجد کے منبر پر مت بیٹھو، کچھ دن اللہ والوں کی صحبت میں رہ لو، اخلاص، احسان کرلو، پھر ان شاء اللہ تمہارا منبر ہوگا، جب دردِ دل عطا ہوجائے گا تو منبر تمہارا ہوگا، اشکبار آنکھوں سے تڑپتے ہوئے دل سے تمہارا بیان ہوگا، ان شاء اللہ زلزلہ پیدا ہوجائے گا، تڑپوگے اور تڑپاؤگے لیکن اگر درددل نہ ہوگا تو باتوں میں بھی اثر نہ ہوگا ؎ نہیں جب چوٹ ہی کھائی تو زخم دل دکھاؤں کیا نہیں جب کیف و مستی دل میں تو پھر گنگناؤں کیا اللہ تعالیٰ کی یاد کے بغیر چین نہیں ۔ غم پروف دل آپ کہیں گے کہ اگر ایک شخص غم و پریشانی میں مبتلا ہے تو اللہ کی یاد سے کیسے چین نصیب ہوگا؟ میں یہی عرض کرتا ہوں کہ اہلِ مغرب، اہلِ یورپ، سوئٹزر لینڈ وغیرہ اگر