ذکر اللہ اور اطمینان قلب |
ہم نوٹ : |
|
ہے۔ بس قانون ہے اللہ کا، اس قانون سے فائدہ اُٹھانا ہے۔ ایک حدیث مگر ان کی خطاؤں کےبارےمیں رسول اللہ صلی اللہ علیہ وسلم فرماتے ہیں کہ یہ بیویاں ٹیڑھی پسلی سےپیداہوئی ہیں اِنِ اسْتَمْتَعْتَ بِھَااِسْتَمْتَعْتَ بِھَابوَفِیْھَا عِوَجٌ 10؎ اگر ان سے فائدہ اُٹھانا ہے تو ان کی ٹیڑھی پسلی سے فائدہ اٹھالو۔ بتاؤ ہماری یا تمہاری پسلی سیدھی ہے یا ٹیڑھی؟ ٹیڑھی ہے تو کیا آپ کسی ہسپتال میں ایڈمٹ ہوتے ہیں اس کو ٹھیک اور درست کرانے کے لیے؟ ڈاکٹر سے کبھی درخواست کی؟ تو حضور صلی اللہ علیہ وسلم کا علم نبوت دیکھو کیا شان نبوت ہے، کس انداز سےسمجھا رہے ہیں کہ ٹیڑھی پسلی سے پیدا ہورہے ہو، اگر بیوی بھی ایسی مل جائے تو اسے برداشت کرلو۔ اِنْ اَقَمْتَھَا کَسَرْتَھَا اور اگر سیدھی کروگے تو توڑ دوگے۔یہ بخاری شریف کی روایت ہے۔توڑدوگےیعنی طلاق کی نوبت آجائے گی،دو خاندان تباہ ہوجائیں گے،خاندان میں آگ لگ جائے گی،چھوٹے چھوٹے بچے روئیں گے کہ میرے ابو کو کیا ہوگیا کہ میری اماں کو طلاق دے دی۔اور اگر تم نے گزاردیا تو گزر جائے گی اور اس سے جو اولاد پیدا ہوگی ان میں اگر کوئی عالم،حافظ،قاری ہوگیاتو قیامت کے دن ان شاء اللہ جنت بھی پاؤگے، دنیا تو مزے دار گزرے گی ہی جنت بھی پاجاؤگے۔ فوائدِ حدیث علامہ قسطلانی رحمۃ اللہ تعالیٰ علیہ نے بخاری شریف کی اس حدیث کی جو شرح لکھی ہے اس میں وہ فرماتے ہیں فِیْہِ تَعْلِیْمُ لِّلْاِحْسَانِ اِلَی النِّسَآءِ کہ اس میں حضور صلی اللہ علیہ وسلم نے ہمیں جو تعلیم دی ہے وہ عورتوں کے ساتھ بھلائی کے ساتھ پیش آنے کی ہے وَالرِّفْقُ بِھِنَّ اوربیویوں کےساتھ نرمی کےساتھ پیش آؤ وَالصَّبْرُعَلٰی عِوَجِ اَخْلَاقِھِنَّ اور ان کے ٹیڑھے پن پر صبر سے کام لو۔ کیوں؟ لِاحْتِمَالِ ضُعْفِ عُقُوْلِھِنَّ کیوں کہ ان _____________________________________________ 10 ؎صحیح البخاری:779/2،باب المداراۃ مع النساء،المکتبۃ القدیمیۃ