ذکر اللہ اور اطمینان قلب |
ہم نوٹ : |
|
صاحب کے ہاں لے جائیں گے کہ بھئی اس کے دماغ کا علاج کرو۔ تو اللہ تعالیٰ نے بین الاقوامی ضرورت کی چیز بتلادی کہ اے انسانو! میں تمہارے دل کا پیدا کرنے والا ہوں اور مجھ سے بہتر تمہارے دل کے چین کا تیل کوئی نہیں جان سکتا۔ جیسے سنگر ( Singer )مشین والے کہتے ہیں کہ اگرمشین میں ہمارا بنایا ہوا تیل استعمال کروگےتواس مشین کی ضمانت اورحفاظت کے ہم ذمہ دارہیں اور دوسری کمپنی کا تیل ڈالو گے تو ہم ذمہ دار نہیں۔ اللہ کی یاد کا تیل اللہ تعالیٰ نے بھی اعلان فرمادیا کہ اگر ہماری یاد کا تیل دل میں ڈالوگے تو تمہارے دل کے چین کی ضمانت اور کفالت میں کروں گا اور اگر تم نے مجھ کو چھوڑکر کسی اور سے دل لگایا،سینما،وی سی آر،فلمی گانے سنے،اللہ تعالیٰ کی نافرمانی کی تو سمجھ لو کہ اللہ تعالیٰ کی نافرمانی کا نقطۂ آغاز ( Zero Point ) اللہ تعالیٰ کے عذاب کا نقطۂ آغاز ہے یعنی ابھی گناہ کیا نہیں صرف ارادہ کیا، اسکیم بنارہا ہے کہ آج کوئی گناہ کا مزا لیا جائے۔ ارادہ کرتے ہی اس کے دل کی دنیا اجڑ جاتی ہے۔آہ! ایک بہت بڑے بزرگ الٰہ آباد یوپی کے مولانا شاہ محمد احمد صاحب رحمۃاللہ علیہ کا ایک شعر یاد آیا ؎ اُف کتنا تاریک ہے گنہگار کا عالم انوار سے معمور ہے ابرار کا عالم نیک بندوں کی دنیا سبحان اللہ! مگر نیک لوگ کون ہیں یہ بھی بتادوں۔ حج عمرہ کرنا، ہر وقت تسبیح پڑھنا؟ ابرار کے رجسٹر میں کون داخل ہیں؟ علامہ بدر الدین عینی رحمۃ اللہ تعالیٰ علیہ نے عمدۃ القاری شرح بخاری میں خواجہ حسن بصری رحمۃ اللہ تعالیٰ علیہ کی تفسیر بیان کی ہے کہ ابرار میں کون لوگ داخل ہیں؟ حضرت حسن بصری رحمۃ اللہ تعالیٰ علیہ خواجہ حسن بصری رحمۃ اللہ تعالیٰ علیہ ایک سو بیس صحابہ رضی اللہ تعالیٰ عنہم کی زیارت کرنے والے تابعی ہیں، قَدْ رَاٰی مِائَۃَ وَّعِشْرِیْنَ صَحَابِیًّا اتنے بڑے تابعی ہیں۔